Gubic + Partners

11/09/2026

🏛 ស្ថាបត្យកម្ម និងការរចនាផ្ទៃក្នុង — តើមួយណាសំខាន់ជាង?

ស្ថាបត្យកម្ម បង្កើតមូលដ្ឋាននៃលំហ — ពីរចនាសម្ព័ន្ធ ពន្លឺធម្មជាតិ ខ្យល់ចេញចូល រហូតដល់លំហូរនៃការប្រើប្រាស់។
ការរចនាផ្ទៃក្នុង បន្តបង្កើតអត្តសញ្ញាណ និងបទពិសោធន៍នៅក្នុងលំហ — ពីមុខងារ សម្ភារៈ ពណ៌ ពន្លឺ រហូតដល់អារម្មណ៍ដែលមនុស្សទទួលបាននៅពេលរស់នៅក្នុងទីនោះ។
ប៉ុន្តែការរចនាដ៏ល្អ មិនមែនកើតចេញពីការជ្រើសរើសថា សំខាន់ជាង នោះទេ។
វាកើតចេញពីការសហការគ្នា ដើម្បីឱ្យ Architecture និង Interior Design ដំណើរការជាផ្នែកតែមួយនៃគំនិតរចនា។

Architecture vs. Interior Design — Which one wins?
Neither. A great space needs both.

09/09/2026

🎥 ទស្សនកិច្ច និងការចាប់ផ្តើមកិច្ចសហប្រតិបត្តិការ

ថ្ងៃទី៨ ខែកញ្ញា ឆ្នាំ២០២៦ ហ៊្គូប៊ីក មានកិត្តិយសទទួលស្វាគមន៍ ឯកឧត្តមបណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្រសិល្បៈ និងគណៈប្រតិភូ មកទស្សនកិច្ចនៅទីស្នាក់ការកណ្តាល ហ៊្គូប៊ីក។

ជាពេលវេលាដ៏រីករាយសម្រាប់ការជួបសំណេះសំណាល ពិភាក្សា ផ្លាស់ប្តូរគំនិត និងចែករំលែកបទពិសោធន៍លើវិស័យស្ថាបត្យកម្ម ការរចនា និងការអប់រំ។

ជំនួបដ៏មានអត្ថន័យនេះ ក៏ជាការចាប់ផ្តើមនៃឱកាសសហការថ្មីៗ ដើម្បីភ្ជាប់ ការសិក្សា និងបទពិសោធន៍ជាក់ស្តែង សម្រាប់និស្សិត និងយុវជនកម្ពុជា។ 🤝✨

#កិច្ចសហប្រតិបត្តិការ

08/09/2026

ទស្សនកិច្ចផ្លូវការ និងកិច្ចសហប្រតិបត្តិការជាមួយសាកលវិទ្យាល័យភូមិន្ទវិចិត្រសិល្បៈ

ថ្ងៃអង្គារ ទី៨ ខែកញ្ញា ឆ្នាំ២០២៦ ហ៊្គូប៊ីក មានកិត្តិយសក្នុងការទទួលស្វាគមន៍ ឯកឧត្តមបណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្រសិល្បៈ អមដំណើរដោយ ឯកឧត្តម សាកលវិទ្យាធិការរង ព្រឹទ្ធបុរស និងសហការី ក្នុងឱកាសអញ្ជើញមកធ្វើទស្សនកិច្ចផ្លូវការ នៅទីស្នាក់ការកណ្តាល ហ៊្គូប៊ីក។

ក្នុងឱកាសនេះ គណៈប្រតិភូបានទស្សនា និងស្វែងយល់អំពីស្ថាបត្យកម្ម ការរចនាផ្ទៃខាងក្នុង និងបរិយាកាសការងាររបស់ទីស្នាក់ការកណ្តាល ហ៊្គូប៊ីក ព្រមទាំងបានជជែកពិភាក្សា និងផ្លាស់ប្តូរទស្សនៈលើស្ថាបត្យកម្ម ការរចនា ការអប់រំ កម្មវិធីសិក្សា និងការអភិវឌ្ឍវិជ្ជាជីវៈ។

កិច្ចពិភាក្សាបានផ្តោតលើការភ្ជាប់ ការអប់រំជាមួយបទពិសោធន៍វិជ្ជាជីវៈ និងការផ្តល់ឱកាសឱ្យនិស្សិតទទួលបានចំណេះដឹង និងបទពិសោធន៍ពីការអនុវត្តជាក់ស្តែង។ ក្នុងនោះ ភាគីទាំងពីរ បានពិភាក្សាអំពីកិច្ចសហប្រតិបត្តិការដែលមានសារៈសំខាន់ រួមមាន៖
◆ ឱកាសហាត់ការ និងបទពិសោធន៍ការងារ
◆ ការបណ្តុះបណ្តាល និងសិក្ខាសាលាអភិវឌ្ឍជំនាញ
◆ ដំណើរទស្សនកិច្ចសិក្សា និងការសិក្សាតាមបទពិសោធន៍
◆ ការផ្លាស់ប្តូរចំណេះដឹង និងបទពិសោធន៍វិជ្ជាជីវៈ
◆ កម្មវិធីសិក្សា និងឱកាសសិក្សានៅក្រៅប្រទេស

ហ៊្គូប៊ីក ជឿជាក់ថា ការកសាងអនាគត ចាប់ផ្តើមពីការកសាងមនុស្ស។ ការភ្ជាប់ចំណេះដឹងផ្នែកសិក្សាជាមួយបទពិសោធន៍ជាក់ស្តែង គឺជាមូលដ្ឋានសំខាន់ក្នុងការពង្រឹងសមត្ថភាពវិជ្ជាជីវៈ និងការត្រៀមខ្លួនរបស់និស្សិតសម្រាប់អនាគតការងារ។

ហ៊្គូប៊ីក សូមថ្លែងអំណរគុណជូន ឯកឧត្តមបណ្ឌិត ហេង សុផាឌី និងគណៈប្រតិភូ នៃសាកលវិទ្យាល័យភូមិន្ទវិចិត្រសិល្បៈ ចំពោះកិត្តិយសនៃការអញ្ជើញមកធ្វើទស្សនកិច្ច និងការផ្លាស់ប្តូរទស្សនៈដ៏មានតម្លៃក្នុងឱកាសនេះ។

ហ៊្គូប៊ីក សូមសម្តែងការគោរព និងកោតសរសើរចំពោះ សាកលវិទ្យាល័យភូមិន្ទវិចិត្រសិល្បៈ ចំពោះការរួមចំណែកដ៏សំខាន់ក្នុងការអប់រំ បណ្តុះបណ្តាល និងអភិវឌ្ឍធនធានមនុស្សក្នុងវិស័យសិល្បៈ ស្ថាបត្យកម្ម និងការរចនា។

កសាងក្រុមហ៊ុន អភិវឌ្ឍមនុស្ស រួមចំណែកកសាងកម្ពុជា។

#ហ៊្គូប៊ីក #សាកលវិទ្យាល័យភូមិន្ទវិចិត្រសិល្បៈ #ទស្សនកិច្ចផ្លូវការ #កិច្ចសហប្រតិបត្តិការ #ស្ថាបត្យកម្ម #ការរចនា #ការអប់រំ #ការអភិវឌ្ឍនិស្សិត #កសាងមនុស្ស #កសាងកម្ពុជា

08/09/2026

សូមគោរពស្វាគមន៍ ថ្នាក់ដឹកនាំសាកលវិទ្យាល័យភូមិន្ទវិចិត្រសិល្បៈ(RUFA) អញ្ជើញមកទស្សនកិច្ចការិយាល័យកណ្តាលហ្គ៊ូប៊ីក

We are honored to warmly welcome the leadership of the Royal University of Fine Arts (RUFA) on their official visit to the GUBIC Headquarters.

សូមគោរពស្វាគមន៍ ថ្នាក់ដឹកនាំសាកលវិទ្យាល័យភូមិន្ទវិចិត្រសិល្បៈ(RUFA) អញ្ជើញមកទស្សនកិច្ចការិយាល័យកណ្តាលហ្គ៊ូប៊ីក ✨✨✨

05/09/2026

ការរចនាដ៏មានគុណភាព មិនកើតឡើងដោយចៃដន្យទេ… វាចាប់ផ្តើមពីគ្រឹះដែលត្រឹមត្រូវ

មុននឹងបង្កើតផែនការដ៏មានគុណភាព យើងជឿថា ការរចនាដ៏ល្អត្រូវចាប់ផ្តើមពីគ្រឹះដែលត្រឹមត្រូវ។ ការយល់ដឹងពីស្តង់ដារ ការសិក្សាពីតម្រូវការរបស់អតិថិជន និងការរៀបចំមុខងារនៃលំហឱ្យសមស្រប គឺជាជំហានសំខាន់ក្នុងការបង្កើត Layout ដែលមានប្រសិទ្ធភាព និងអាចអភិវឌ្ឍបន្តទៅកាន់ដំណាក់កាលបន្ទាប់បានយ៉ាងច្បាស់លាស់។
ការរចនាមិនមែនចាប់ផ្តើមពីភាពស្រស់ស្អាតតែមួយមុខនោះទេ ប៉ុន្តែចាប់ផ្តើមពីការយល់ដឹង ការវិភាគ និងការរៀបចំដែលត្រឹមត្រូវ។ តាមរយៈជំនាញ បទពិសោធន៍ និងការអភិវឌ្ឍស្តង់ដារជាបន្តបន្ទាប់ យើងខិតខំបង្កើតដំណោះស្រាយការរចនាដែលឆ្លើយតបទៅនឹងតម្រូវការពិតប្រាកដ និងមានគុណភាពក្នុងគ្រប់ដំណាក់កាល។
គ្រឹះរឹងមាំ នាំទៅកាន់ការរចនាដ៏មានគុណភាព។

05/09/2026

🤝 GUBIC និង ERA CAMBODIA ចុះអនុស្សរណៈយោគយល់

នារសៀលថ្ងៃ សុក្រ ទី៤ ខែកញ្ញា ឆ្នាំ២០២៦ GUBIC និង ERA Cambodia មានកិត្តិយសក្នុងការចុះ អនុស្សរណៈយោគយល់ (MoU) ដើម្បីបង្កើតក្របខណ្ឌសម្រាប់កិច្ចសហប្រតិបត្តិការនាពេលអនាគត និងការអភិវឌ្ឍគំនិតផ្តួចផ្តើមរួម ដែលផ្តល់ផលប្រយោជន៍ទៅវិញទៅមក។

ក្នុងឱកាសនេះ ERA Cambodia បានអញ្ជើញមកទស្សនកិច្ច ទីស្នាក់ការកណ្តាល GUBIC ដើម្បីស្វែងយល់ពីចក្ខុវិស័យ សមត្ថភាព និងទិសដៅការងាររបស់ GUBIC ព្រមទាំងបានជួបពិភាក្សា និងផ្លាស់ប្តូរទស្សនៈអំពីឱកាសសហការនាពេលអនាគត។

ជំនួបនេះបានបើកឱកាសឱ្យភាគីទាំងពីរយល់កាន់តែច្បាស់អំពីសក្តានុពល និងចំណុចខ្លាំងរបស់គ្នាទៅវិញទៅមក ដើម្បីឈានទៅរកសកម្មភាព និងលទ្ធផលជាក់ស្តែង។

GUBIC Group សូមថ្លែងអំណរគុណដល់ ERA Cambodia សម្រាប់ការទស្សនកិច្ច ការផ្លាស់ប្តូរទស្សនៈដ៏មានតម្លៃ និងការចាប់ផ្តើមភាពជាដៃគូដ៏មានអត្ថន័យនេះ។

រួមគ្នា បង្កើតតម្លៃ។ រួមគ្នា រីកចម្រើន។ រួមគ្នា រួមចំណែកដល់កម្ពុជា។

#អនុស្សរណៈយោគយល់ #កិច្ចសហប្រតិបត្តិការ #ភាពជាដៃគូ #កម្ពុជា

04/09/2026

🤝 ដំណើរទស្សនកិច្ចផ្លូវការ និងកិច្ចពិភាក្សាស្តីពីកិច្ចសហប្រតិបត្តិការ

ហ៊្គូប៊ីក គ្រុប មានកិត្តិយសក្នុងការស្វាគមន៍ថ្នាក់ដឹកនាំ BNI Wonderful មកកាន់ទីស្នាក់ការកណ្តាលរបស់យើង សម្រាប់ដំណើរទស្សនកិច្ចផ្លូវការ និងកិច្ចពិភាក្សាស្តីពីឱកាសសហការក្នុងវិស័យ សម្ភារៈ ស្ថាបត្យកម្ម និងសំណង់។

ជំនួបនេះ បានបង្កើតឱកាសដ៏មានតម្លៃសម្រាប់ភាគីទាំងពីរ ក្នុងការស្វែងយល់អំពី ចក្ខុវិស័យ សមត្ថភាព និងបទពិសោធន៍ របស់គ្នាទៅវិញទៅមក ព្រមទាំងផ្លាស់ប្តូរទស្សនៈអំពីការពង្រឹងបណ្តាញអាជីវកម្ម និងការអភិវឌ្ឍប្រព័ន្ធផ្គត់ផ្គង់សម្ភារៈដែលមាន គុណភាព ប្រសិទ្ធភាព និងភាពជឿទុកចិត្ត។

តាមរយៈការពិភាក្សាប្រកបដោយភាពបើកចំហ និងស្និទ្ធស្នាល ភាគីទាំងពីរ បានពិចារណាលើចំណុចរួម និងឱកាសដែលអាចនាំទៅរក ផលប្រយោជន៍ទៅវិញទៅមក ព្រមទាំងបង្កើតទំនាក់ទំនងអាជីវកម្មដែលមានមូលដ្ឋានលើការជឿទុកចិត្ត ការគាំទ្រគ្នា និងការរីកចម្រើនរួម។

យើងជឿជាក់ថា កិច្ចសហប្រតិបត្តិការដែលមានចក្ខុវិស័យរួម អាចបង្កើតតម្លៃលើសពីអត្ថប្រយោជន៍របស់អាជីវកម្មនីមួយៗ ដោយរួមចំណែកដល់ ការលើកកម្ពស់គុណភាព និងស្តង់ដារវិស័យ ការពង្រីកឱកាសអាជីវកម្ម និងការអភិវឌ្ឍវិស័យសម្ភារៈ ស្ថាបត្យកម្ម និងសំណង់នៅកម្ពុជា។

ហ៊្គូប៊ីក គ្រុប សូមថ្លែងអំណរគុណចំពោះការចូលរួម និងការផ្លាស់ប្តូរដ៏មានតម្លៃក្នុងឱកាសនេះ។ យើងទន្ទឹងរង់ចាំការបន្តពង្រឹងទំនាក់ទំនង និងបង្កើតកិច្ចសហប្រតិបត្តិការដែលមានតម្លៃសម្រាប់ ភាគីទាំងពីរ ដៃគូអាជីវកម្ម និងកម្ពុជាទាំងមូល។

ហ៊្គូប៊ីក គ្រុប — លើសពីដែនកំណត់ ជាមួយនឹងទំនួលខុសត្រូវ

#ហ្គូប៊ីកគ្រុប #កច្ចសហប្រតិបត្តិការ #ភាពជាដៃគូ #បណ្តាញអាជីវកម្ម #សម្ភារៈសំណង់ #ស្ថាបត្យកម្ម #សំណង់ #អាជីវកម្មកម្ពុជា #អភវឌ្ឍន៍កម្ពុជា

03/09/2026

🎬 [PART 2 OF 2] “ចំណាយខុសគ្នា តែអារម្មណ៍ និងលទ្ធផល អាចដូចគ្នាបានទេ?” 🤔

មនុស្សជាច្រើនអាចគិតថា
តម្លៃកាន់តែថ្លៃ លទ្ធផលកាន់តែល្អ។
ប៉ុន្តែតើវាពិតជាដូច្នោះមែនទេ? 🤔
សម្ភារៈមួយចំនួនអាចមានតម្លៃខុសគ្នា ប៉ុន្តែអាចផ្តល់នូវ អារម្មណ៍ បរិយាកាស និងបទពិសោធន៍ស្រដៀងគ្នា ប្រសិនបើយើងជ្រើសរើស និងប្រើប្រាស់វាឱ្យបានត្រឹមត្រូវ។
នៅ GUBIC + PARTNERS យើងមិនមើលតែថា
“តើត្រូវចំណាយប៉ុន្មាន?”
ប៉ុន្តែយើងសួរថា
“តើអ្វីជាអារម្មណ៍ និងលទ្ធផលដែលអ្នកចង់ទទួលបាន?”
បន្ទាប់មក យើងស្វែងរកដំណោះស្រាយដែលសមស្របបំផុត ជាមួយថវិកាដែលអ្នកមាន។
តម្លៃអាចខុសគ្នា ប៉ុន្តែអារម្មណ៍ និងអ្វីដែលអ្នកទទួលបាន អាចនៅតែមានតម្លៃដូចគ្នា។
✨ ការរចនាល្អ មិនមែនតែងតែត្រូវចំណាយច្រើន — តែត្រូវជ្រើសរើសឱ្យត្រឹមត្រូវ។

#តម្លៃគម្រោង #ថវិកាគម្រោង #ការរចនា #ស្ថាបត្យកម្ម #ការរចនាផ្ទៃក្នុង #គ្រប់គ្រងគម្រោង #គ្រប់គ្រងថវិកា #គុណភាពនិងតម្លៃ #ការវិនិយោគ

02/09/2026

🎬 [ ភាគ ១ ]
“បើខ្ញុំប្រាប់អ្នករចនាថា ខ្ញុំមានថវិកាប៉ុណ្ណេះ… តើមានន័យថា ត្រូវចំណាយឱ្យអស់មែនទេ?” 😁😊

នេះជាក្តីបារម្ភដែលអតិថិជនជាច្រើនអាចមាន។
ហេតុអ្វីបានជាអ្នករចនាតែងសួរអំពីថវិកា? ហើយថវិកានោះ ត្រូវប្រើប្រាស់យ៉ាងដូចម្តេច? 🤔

នៅ GUBIC + PARTNERS ការដឹងពីថវិកា មិនមែនមានន័យថា ត្រូវចំណាយឱ្យអស់ទេ។

វាជួយឱ្យយើង កំណត់អាទិភាព គ្រប់គ្រងការចំណាយ និងជ្រើសរើសដំណោះស្រាយដែលសមស្របបំផុត សម្រាប់គោលដៅ និងតម្លៃរបស់គម្រោង។

ចំណាយឱ្យត្រឹមត្រូវ គ្រប់គ្រងឱ្យបានល្អ និងបង្កើតតម្លៃឱ្យបានច្រើនបំផុត។
ហើយប្រសិនបើអាចសន្សំបាន យើងនឹងជួយសន្សំ ដោយមិនប៉ះពាល់ដល់គុណភាព និងលទ្ធផលរបស់គម្រោង។

ថវិកា មិនមែនដើម្បីចំណាយឱ្យអស់ — តែដើម្បីប្រើឱ្យមានតម្លៃបំផុត។

#តម្លៃគម្រោង #ថវិកាគម្រោង #ការរចនា #ស្ថាបត្យកម្ម #ការរចនាផ្ទៃក្នុង #គ្រប់គ្រងគម្រោង #គ្រប់គ្រងថវិកា #គុណភាពនិងតម្លៃ #ការវិនិយោគ

31/08/2026

🌿🏙 Landscape Designer និង Masterplan Designer ខុសគ្នាយ៉ាងដូចម្តេច?

តើ Landscape Designer និង Masterplan Designer មានតួនាទី និងការទទួលខុសត្រូវខុសគ្នាយ៉ាងដូចម្តេច ក្នុងការរៀបចំ និងរចនាគម្រោង?

ក្នុងវីដេអូនេះ Ouchen និង Hongly នឹងចែករំលែកពីភាពខុសគ្នារវាងតួនាទីទាំងពីរ—ចាប់ពីការរៀបចំ និងរចនាបរិយាកាសនៃលំហខាងក្រៅ រហូតដល់ការរៀបចំ ក្របខណ្ឌអភិវឌ្ឍន៍របស់គម្រោងទាំងមូល និងការតភ្ជាប់រវាងតំបន់ និងមុខងារផ្សេងៗ។

ការរចនាដ៏ល្អ មិនមែនគ្រាន់តែផ្តោតលើភាពស្រស់ស្អាតនោះទេ ប៉ុន្តែចាប់ផ្តើមពី ការយល់ឃើញរូបភាពទាំងមូល រៀបចំប្រព័ន្ធឱ្យសមស្រប និងបង្កើតបទពិសោធន៍ដែលមានន័យសម្រាប់អ្នកប្រើប្រាស់។ ✨

តោះ ទស្សនាវីដេអូនេះ ដើម្បីស្វែងយល់ថា Landscape Designer និង Masterplan Designer ខុសគ្នាយ៉ាងដូចម្តេច និងតួនាទីទាំងពីររួមចំណែកយ៉ាងដូចម្តេចក្នុងការបង្កើតគម្រោងដែលដំណើរការបានល្អ និងមានតម្លៃយូរអង្វែង។

—

🌿🏙 Landscape Designer vs. Masterplan Designer
What’s the Difference?

What’s the difference between designing outdoor spaces and planning the bigger development framework?

In this video, Ouchen and Hongly share their perspectives on the roles of a Landscape Designer and a Masterplan Designer—their responsibilities, how each discipline approaches a project, and how they work together.

From shaping outdoor spaces, environments, and experiences to organizing the overall development framework and connections between different areas and functions, great design begins with seeing the bigger picture and making every element work together.

Watch the video to discover the difference—and how both disciplines contribute to creating successful, meaningful, and lasting projects. ✨