El.arzediaries

El.arzediaries وصفات أصيلة بمكونات حقيقية
محترفة تخمير طبيعي | تقنيات الطبخ 🥣
رحلتي مع طفلي المتوحد🧩
📧[email protected]
👩‍💻www.elarzediaries.com متجري العضوي

24/10/2026

الماسكربوني ، جبنة كريمية عالطريقة الايطاليه من الاشيا الغاليه جدا بالسوبرماركت هيدي اذا لقيتوها😅
منستعملها بالتيراميسو و التشيزكيك المخبوز ، مخبوزات ، بالباستا ، بالفروستنچ و غيره

مقادير :
ليتر كريمة ( دسم عالي )
٤ م ص خل أبيض

‏Mascarpone is an italian silky Cream Cheese , used in Tiramisu , Baked cheesecakes , bakes , pasta sauces, frostings and more

‏It can be easily made with just 2 ingredients!

1 ltr heavy cream
4 tsp white vinegar
‏
‏

22/10/2026

كل سنة هيدي الوصفة بتطلع ترند ! جربوها عطريقتي
ممتازة اذا حابين تتحلو بشكل صحي صديق للامعاء
الكاسة فيها نسبة منيحة من الالياف و البروتين 🫰

المقادير لكاستين

٣ حبات خرما مستوي
٣ ملاعق ممسوحة كاكاو من دون سكر
١/٤ كوب جبنة قريش

21/10/2026

⁨موسم الخرمة .. شو اسمها ببلدكم ؟

روكا
رمان
خرمة تكون نص استواء
انا ضفت خلطتي من ساوردو جرانولا بالبيكان و الفستق الحلبي - ممكن تستبدليها بنوع المكسرات و الفواكه المجففة اللي تحبيه
جبنة البوراتا - او ممكن الموزاريلا الفريش

للصوص:
٤ كوب خل بالسميك
١/٢ كوب زيت زيتون او اكتر شوي اذا ما بتحبو الحموضة كتير
ملح فلفل اسود
شوي عسل او شراب القيقب
⁩⁩⁩⁩

20/10/2026

الدهنة و اللية مش تالو، السمنة مش تالو 🤷‍♀️
التالو بأوروبا متل ما نحن منستعمل زيت زيتون🫢 طبعا قبل ما يشيطنو و يحملوه مصايب الانظمة الغذائية الغلط ..
التالو الحقيقي مصدره الشحم القاسي يلي حوالين كِلى البقر (suet) ، هيدي المنطقة بتتعرض للشمس
هيدا الشحم نضيف بطبيعته، ما فيه عضل ولا دم،
ولما يذوب و يتصفى بيعطي دهن
لونه أفتح ريحته اخف و درجة احتراقه عاليه
فوايد التالو بتلاقوها بالريل اللي قبل هيدا
خبروني مجربين تعملوا التالو بالبيت ؟
⁩⁩⁩

19/10/2026

⁨ عانيت من هالجرثومة سنين و بلشت بعلاجات مضادات حيوية عدمتلي صحتي لوقت ما نفع معي الا الاشيا الطبيعيه و الحمدلله بعد اشهر التزام طلعت نتيجة الفحص للجرثومة سلبي

اول شي لنعرف البرعمة هي عملية نمو حبوب أو البذور النباتية إلى نباتات صغيرة أو نباتات متكاملة بدون أن زرعها في التربة على عكس المايكروجرين اللي بيحتاج للتربه و الشمس و يستهلك منو فقط الجزء العلوي ، البرعمة بتنعمل باوعيه زجاجية بواسطة الماء و الهواء فقط جاهزة للاكل خلال ٥ ل ٧ أيام ، اي مرطبان الغطا اللي بيفتح و ممكن يستبدل بقطعه من الشاش

براعم البروكولي بتحتوي بشكل عالي جدا على مادة السلفوروفين موجودة بكميات مضاعفة عن البروكولي العادي
انربطت هيدي المادة بعلاجات الامراض السرطانيه ، صحة القلب ، الجلد ، العين ، المناعه و الجهاز الهضمي و علاجات القرحة، مضاد بكتيري قوي
بيقضي على جرثومة المعده و و بيحمي الامعاء
و بيحارب الالتهابات ..
طبعا هالشي بيترافق مع نظام متوازن لرفع حمض المعدة 🙏🏻

خبروني مين منكم بيعاني من هالجرثومة

ملاحظة : يجب تعقيم البراعم بعد جهوزيتها بسبب احتماليه التلوث بالبكتيريا او نمو بعض انواع العفن خلال البرعمة او التخزين الخاطئ .. ⚠️
⁩

18/10/2026

⁨ شو يعني منفحة الاجبان ؟ مجبنة / رينيت / خميرة الاجبان ..
هي البادئ البكتيري اللي بيحول الحليب الى جبنة ، انزيمات متل الليباز و البروتياز اللي بتسرع التخمير و بتجمع الكازيين ( بروتين الحليب ) و بتخثره .. بتعطيه الطعم و الفائدة و الها دور كبير بالقوام
اما الخل فهو حمض يضاف عالحليب لفصل البروتين ، صحيح منستخدمه كطريقة سريعه او في حال عدم توفر الرينيت ، بس ما في مقارنة لا بالطعم و لا من ناحية امكانيه عمل كتير انواع من الجبنة متل العكاوي ، الحلوم ، الفيتا …
بالفيديو حضرت جبنة القريشة بالطريقة التقليدية .. خبروني اذا بدكم اشرح الطريقة و شو بتفرق عن الريكوتا
⁩

⁨ ⁨ البيستو من اطيب الصوصات عندي ، بحب اعمله يدويا بس هالشي بياخد وقت و بدو جهد 💪🏼، فلما كون كسلانة بعمل هالطريقة خصوصي ...
10/10/2026

⁨ ⁨ البيستو من اطيب الصوصات عندي ، بحب اعمله يدويا بس هالشي بياخد وقت و بدو جهد 💪🏼، فلما كون كسلانة بعمل هالطريقة خصوصي للخلاط اللي ما في اله فتحة
اسحبو الشاشة لتشوفو المكونات و التفاصيل
اكتبولي اكلات بتحبو تقدمو معها البيستو 🥰🌿
⁩

⁨ المكونات:
١٢٠ غ حبق طازج (Basil)
٧٥ غ مكسرات نية ( جوز ؛ فستق حلبي ، جوز برازيلي )
انتو بتقدروا تختارو شو متوفر عندكن

١٠٠ ل ١٥٠ غ جبنة معتقة : بارميزان / مانشيجو / بيكورينو
١٢٠ مل زيت زيتون بكر ممتاز و زياده لنغمر الوج
عصير حامضتين صغار
ملح وفلفل أسود
ثوم (اختياري) انا ما حطيت⁩

⁨ للتحضير :
1. منغسل الحبق و منشفه كتير منيح ما بدنا يكون رطب ابدا
2. منطحن بالبلندر المكسرات و الجبنة و الملح و البهار ليصير قوام مجروش.
3. منضيف الحبق مع عصير الحامض وقسم من زيت الزيتون.
4. منطحن بنبضات قصيرة، ومنوقف بين كل مرة والتانية حتى ما يسخن الخليط. إذا احتجنا، منضيف شوية زيت زيتون ليساعد على الخلط.
5. منضيف باقي زيت الزيتون تدريجياً ومنخلط لفترة قصيرة حتى نوصل للقوام اللي منحبّه، مع المحافظة على شوية Texture.
6. منتذوّق ومنعدّل الملح والفلفل والحموضة حسب الرغبة.⁩

⁨ سر خضار البيستو ؛ هو كل ما خفّفنا مدة الخلط والحرارة، منساعد الحبق يحافظ على لونه الأخضر الحلو ونكهته و كمان الفستق الحلبي رح يخلي لون البيستو زاهي و فاتح
للحفظ الآمن
٤ ايام بالبراد - ٣ شهور بالفريزر ( ممكن يتقسم بقوالب )⁩

08/10/2026

من اقدم العلاجات المعتمدة من ايام الطب القديم
اضافة لكل الفوايد المذكورة هو معزز للمناعه و صحة الجهاز الهضمي بشكل عام ، و معزز لكل الفوايد و المركبات الموجودة بالعسل و التوم سوا
عمليه التخمير سحر بتزيد الامتصاص و بتخلي الناتج النهائي غني بأكتر من ١٠ انواع فيتامينات ضرورية للجسم

ملاحظة ضرورية لنمنع خطر البكتيريا الضارة ضروري نستعمل نوع عسل اصلي ، و فينا نضيف م ص من الكومبوتشا او خل التفاح مع الام لنرفع من حموضة العسل بشكل اسرع

الطريقة
منغمر حبوب الثوم المقشرة بالعسل بشكل كامل و منترك فراغ بالمرطبان لان رح ينتج كتير فقاعات

كل يوم منعمل تنفيس للمرطبان ، و اذا عم تستعملي مرطبان متلي ما في داعي للتنفيس ، فقط اقلبي المرطبان لتتأكدي انو حبوب التوم ما عم تتعرض للهوا

بعد اسبوعين بتقدري تستهلكيه و بالعافية

اكتبولي شو عندكم اسئلة تحت البوست 🍯
⁩⁩

Address

Beirut

Website

Alerts

Be the first to know and let us send you an email when El.arzediaries posts news and promotions. Your email address will not be used for any other purpose, and you can unsubscribe at any time.

Shortcuts

Share