Vida Láctea

Somos unha empresa de tempo libre que leva 21 anos xa traballando a carón da mocidade, o emprendemento e a creatividade.

26/10/2026

🚀🔥 TECH CREATIVE JAM 2026: TECNOLOXÍA A TOPE!

💡 E se puideses transformar as túas ideas en proxectos reais experimentando con novas tecnoloxías?

Desde Vida Láctea, no marco do proxecto europeo LIRES, traemos a Lugo a Tech Creative Jam, un hackathon xuvenil para aprender, experimentar e crear en equipo. 🤖💡

⚡ Que che espera?
🔸 Corte láser e impresión 3D
🔸 Creación de videoxogos 🎮
🔸 Electrónica e circuítos
🔸 Personalización téxtil 👕
🔸 Marketing dixital e presentación de ideas 🎤
🔸 Retos creativos, mentores e traballo en equipo

🏆 Ademais, poderás presentar o teu proxecto e optar a premios e á incubación LIRES!

📅 14 e 15 de novembro de 2026
📍 C.R. Lug2, Lugo
👥 Para mozos e mozas de 16 a 30 anos
🎉 Participación totalmente gratuíta!

🙌 Non necesitas ser experto/a en tecnoloxía. Só tes que traer ganas de aprender, experimentar e compartir ideas.

🌐 Inscríbete en: www.lires.eu/techcreativejam

💥 APRENDE. EXPERIMENTA. CREA. COMPARTE.

O futuro tamén se constrúe desde o rural. 🌱🚀

🇪🇺 O LIRES é un proxecto cofinanciado pola Unión Europea a través do programa Interreg España–Portugal (POCTEP).

22/10/2026

🙌🏻 Seguimos preparando a mozos para impulsar o futuro do rural! 🌱

No marco do proxecto europeo LIRES, tivemos unha nova sesión en liña do curso gratuíto de formación de mentores, un espazo para aprender, compartir coñecementos e prepararnos para acompañar a mocidade no desenvolvemento das súas ideas.

💡 Pero isto non remata aquí! Estade moi pendentes da próxima sesión e das actividades que están por vir, nas que os mentores e mentoras poderán participar activamente, achegando a súa experiencia e acompañando a novos talentos.

🤝 Seguimos conectando persoas, ideas e oportunidades para crear un rural con máis futuro.

Moi pronto, máis novidades! 🚀

🇪🇺 O LIRES é un proxecto cofinanciado pola Unión Europea a través do programa Interreg España–Portugal (POCTEP).

20/10/2026

🚀 QUERES APRENDER A SER MENTOR/A NUM HACKATHON?

💡 As boas ideas necesitan bos equipos… e os bos equipos necesitan quen saiba acompañalos!

Desde Vida Láctea, como parte do proxecto europeo LIRES, impulsamos unha formación online para aprender a dinamizar, motivar e orientar equipos de mozos e mozas durante un hackathon.

🧩 Que aprenderás?

✅ Técnicas de dinamización e liderado de equipos.
✅ Ferramentas de comunicación e resolución de conflitos.
✅ Metodoloxías para estimular a creatividade e a innovación.
✅ Estratexias para acompañar os equipos desde o reto inicial ata a proposta final.

🎯 O obxectivo: aprender a guiar sen impoñer, motivar sen dirixir e sacar o mellor de cada participante.

📅 Primeira sesión: martes, 20 de outubro, ás 20:00 h.
💻 Modalidade online.

📌 O mesmo curso impartirase en dúas datas diferentes para facilitar a participación. Non son sesións complementarias: só tes que asistir a unha delas. A data da segunda sesión está por determinar.

🌱 Se queres adquirir ferramentas prácticas e contribuír aos procesos de innovación e emprendemento xuvenil no medio rural, esta formación é para ti!

👉 Inscríbete aquí: https://forms.gle/1KUXuQKtt6ohi1pu5

🇪🇺 LIRES é un proxecto cofinanciado pola Unión Europea a través do programa Interreg España–Portugal (POCTEP).

19/10/2026

💚🌿 Outes queda un pouquiño máis en nós, e nós deixamos algo de nós en Outes.

O Campo de Voluntariado Lembrando a nosa pegada foi moito máis ca unha actividade de verán: foi compartir días, descubrir novos lugares, traballar en equipo e crear recordos que perduran. ✨

Durante esta experiencia, a mocidade converteuse en protagonista, achegando o seu tempo, a súa ilusión e o seu compromiso para contribuír á conservación da contorna e á posta en valor da riqueza natural e cultural de Concello de Outes . 🌱

📍 Coidamos espazos e aprendemos a respectar o noso patrimonio.
🤝 Compartimos vivencias, historia e pasado cos maiores de Outes.
🌍 Descubrimos que os pequenos xestos tamén poden deixar grandes pegadas.
💙 E, sobre todo, levamos connosco novas amizades e unha experiencia que merece ser lembrada.

Porque hai pegadas que non se ven, pero que permanecen: as que deixan as persoas, as experiencias compartidas e as ganas de facer as cousas un pouco mellor. 🌿

14/10/2026

🚀🌱 TECH CREATIVE JAM | CONECTA O TERRITORIO

💡 E se a tecnoloxía puidese transformar o futuro do noso rural?

Chega a Lugo a Tech Creative Jam, unha hackathon na que a creatividade, a innovación e a tecnoloxía se unen para buscar novas solucións aos retos do territorio.

🌍 Durante dous días, mozos e mozas traballarán en equipo para transformar ideas en propostas innovadoras, explorar novas tecnoloxías e imaxinar un rural cheo de oportunidades.

🤖 Intelixencia artificial, robots, ferramentas dixitais, sustentabilidade, emprendemento e moita creatividade!

Non necesitas ter experiencia previa nin ser especialista en tecnoloxía. Só precisas curiosidade, ganas de aprender e ilusión por crear algo novo.

📅 14 e 15 de novembro
📍 Complexo Residencial Lug2 | LUGO

🔥 DESCUBRE | APRENDE | DESEÑA | INNOVA

🤝 Coñece xente nova, comparte ideas, traballa en equipo e participa nunha experiencia diferente na que a mocidade será protagonista do futuro do territorio.
👉 Inscríbete e participa!

🔗 www.lires.eu/techcreativejam

🇪🇺 Actividade desenvolvida no marco do proxecto LIRES, cofinanciado pola Unión Europea a través do Programa Interreg España–Portugal (POCTEP).

06/10/2026

Rematando setembro, toca mirar atrás e lembrar todo o vivido este verán 🌿

O xa tradicional Campo de Voluntariado de Quiroga, este ano na Fervenza das Polancas , reuniu xuventude, territorio e moitas ganas de contribuír a poñer en valor o patrimonio natural e cultural da contorna. 💚

👥 14 voluntarias e voluntarios, con 8 participantes de orixe internacional
🌱 3 ODS e traballo arredor da Axenda 2030
💧 15 h de acondicionamento da contorna da Fervenza das Polancas
🎓 2 h de formación e 3 h no Xeoparque Montañas do Courel
🥾 2 rutas dixitalizadas para descubrir o territorio
🏛️ 3 visitas para coñecer o patrimonio de Quiroga
🎥 3 vídeos de actividades diarias + 2 vídeos promocionais
📲 18 h de traballo de comunicación

Un campo para coidar o territorio, coñecelo mellor e compartilo, deixando tamén novas ferramentas para seguir poñendo en valor Quiroga. 🌿💙

Grazas ao , a todas as persoas voluntarias e a quen fixo posible esta experiencia. Porque cando a xuventude se implica, o territorio tamén medra. ✨

05/10/2026

🌿 Hoxe Vida Láctea participa no Curso de Guías de Parques Nacionais.

Estamos a participar nesta formación, continuando así coa nosa aposta pola formación continua, a educación ambiental e o coñecemento dos nosos espazos naturais protexidos.

Unha oportunidade para seguir aprendendo, compartir experiencias e adquirir novas ferramentas que nos permitan desenvolver actividades cada vez máis responsables, seguras e integradas no territorio.

🏞️ Seguimos formándonos para seguir facendo do medio natural un espazo de aprendizaxe, respecto e participación.

Natureza pnillasatlanticasdegalicia

29/09/2026

Rematando setembro, comezamos a voltar unha ollada atrás dun verán intenso. O Campo de Voluntariado do e Xuventude Galicia voltou neste 2026. Despois dun ano de parón, regresamos con máis ilusión ca nunca 💙

👥 13 voluntarias e voluntarios
🌱 4 proxectos vinculados aos ODS
🏡 24 h de limpeza e acondicionamento
🎙️ 26 h de podcast
🎥 30 h de vídeo promocional
🥾 Rutas, actividades náuticas e visitas polo territorio
⛪ E moitas experiencias compartidas!

Unha edición para coidar, descubrir e poñer en valor Samos, creando comunidade e mirando cara ao futuro. 💫

Grazas a todas as persoas que fixeron posible este regreso. Samos 2026, feito! 🙌

25/09/2026

🌱 E se a túa próxima idea nacese no rural?

Buscamos mozos e mozas de 18 a 30 anos con ganas de coñecer xente, compartir ideas e facer cousas novas no rural.

💚 Se che gusta o rural.
🤝 Se che apaixona axudar.
💡 Se che encanta innovar.
🚀 Se tes unha idea e queres convertela nun proxecto —ou xa tes unha e queres darlle un empurrón—.

LIRES pode ser o teu sitio.

Non fai falta ter experiencia, nin chegar cun proxecto perfecto. Chega con ganas. Nós poñemos o espazo, as ferramentas, o acompañamento e unha comunidade coa que empezar a construír.

📅 7 de outubro | 20:30 h
🥪 Reunión de lanzamento + petisco
📲 Inscríbete escaneando o QR do cartel

O rural necesita ideas. Pode que a seguinte sexa a túa. 🌿

E este é o formulario para anotarse, animádevos!!!
https://forms.gle/4Xyo2NJum1ZA1dTg9

21/09/2026

E así, case sen darnos conta... chegamos ao final deste verán! ☀️

Durante os meses de xuño, xullo, agosto e setembro no Campamento de Verán do foron semanas cheas de xogos, risas, aventuras e momentos que queremos gardar para sempre. Tivemos días de saídas e paseos, xogos e diversión, manualidades, experimentos, e moitas, moitas sorpresas! Pero o máis importante é que nos levamos un verán cheo de momentos compartidos, novas amizades e recordos que nos acompañarán durante moito máis tempo.

Grazas a todos os peques por encher cada día coa súa ilusión, enerxía e sorrisos. E grazas tamén ás familias por confiar sempre en nós e acompañarnos un verán máis. 🫶

Grazas por formar parte desta aventura. Vémonos na próxima! 💛

🌞

Dirección

RÚA PINTOR CORREDOIRA, 4
Santiago De Compostela
27002

Página web

http://www.vidalactea.com/

Notificaciones

Sea el primero en enterarse: le enviaremos un correo electrónico cuando Vida Láctea publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.