27/06/2026
【包裝得靚就代表穩陣？裝修界嘅「核心內圍」：你嘅師傅有無合乎 CIC 監管嘅「專工專責」資歷？🤷♂️】
依家買嘢最緊要睇包裝，裝修物料都唔例外！由歐洲料、英國標準（BS）到國標，五花八門。好多時只要包裝設計得高檔、廣告打得響，大眾自然就容易接受。
但工程呢行，表面睇落去「美輪美奐」，牆入面、地磚下、電箱內嘅真相，大眾又如何得知？🧐
其實，真正規範嘅裝修工程，背後係由 CIC（建造業議會）嚴格監管嘅「專工專責」法例！
法例明文規定，指定工種必須由合資格嘅註冊熟練工人（大工/中工）「專工專責」去施工：
⚡ 水電工程、泥水、油漆，以至各個專業技術工種，都有對應嘅註冊資歷；
唔係求其搵個「裝修雜工」一腳踢，就叫符合標準。
但現實中，大眾(業主或租客)往往好難知道：
1️⃣ 幫你開工嘅公司，到底係點樣做、如何做、由何人安裝？（定係外判完再外判？定黑工？？？用呢啲公司一眾業主或租客真的不用負上責任？）
2️⃣ 施工過程係咪合規合法？（定係貪方便博過關？）
3️⃣ 現場幫你屋企拉線、砌磚嘅，到底用緊咩人？
4️⃣ 最關鍵係——你搵緊嘅裝修公司、設計公司，或者裝修師傅本人，到底有無相對應嘅專業施工資歷？現場工人有無 CIC 註冊？
好多時，大家只能夠憑「感覺」同「包裝」去揀。直到收樓後漏水、跳掣、甚至出咗事，先發現「表面包裝」同「真正資歷」完全係兩回事。
工程唔係買件衫，唔可以只睇表面。真正嘅安心，來自於資歷透明度！一個負責任、專業嘅工程團隊，根本唔怕你問，更會主動出示合規證明同師傅牌照。
想裝修得明明白白、住得安安心心？下次搵師傅，記住除咗睇靚靚嘅 3D 圖，大膽問多句：「師傅，你哋有無合乎 CIC 監管嘅專業施工資歷？」
將工程交畀真正做到「專工專責」、有牌合規嘅專家，先係最精明嘅選擇！
💡 什麼是 CIC「專工專責」？
《建造業工人註冊條例》中的**「專工專責」規定已於 2017 年 4 月 1 日起全面實施**。條例旨在提升工程質素及保障安全，嚴格規定在建造業工地（包括住宅裝修工程）內，某些指定工種的工序，必須由該工種的註冊熟練工人（大工）或註冊熟練工人（中工）親自進行，或者在他們的直接監督下施工。
🤔 試想想：
如果一個工程團隊，連現場施工嘅工人連身份證都無（黑工）、連基本嘅 CIC 專業註冊資格都拿不出——你覺得他們施工時，真的會介意你的施工方案合唔合規？真的會介意幫你屋企拉的電線、鋪的地磚安不安全、耐不耐用嗎？
一間連最基本「法律與合規」底線都守唔住嘅團隊，包裝得再靚，你又敢唔敢將個家交畀佢哋？
#裝修設計 #建造業議會 #專工專責 #工程合規 #專業師傅資歷 #裝修陷阱 #香港工程 #小型工程承建商 #電工牌照 #大工中工 #家居裝修 #裝修知識 #誠信工程 #建造業工人註冊條例 #拒絕黑工 #安全第一
