https://www.facebook.com/103082485951515/

Le Croissant, Phnom Penh (2026)

11/12/2022

ភ្លាNGOឬភ្លាក្រៅអង្គការ
គ្រឿងផ្សំ៖
- សាច់គោ យកសាច់ផុយ ( ហាន់ជាបន្ទះស្ដើងៗ
- ខ្ទឹមសចិញ្ច្រាំឱ្យម៉ត់ យកទៅបំពងឱ្យឈ្ងុយ
- ម្សៅស៊ុប ស្ករស
- ទឹកក្រូចឆ្មា
- បន្លែរួមមាន : ត្រសក់ ការ៉ុត សណ្ដែកគួរ ជីបន្លា ស្ពៃប៉ាវ ...........។ល។
- Best Foods(ម៉ាយូនេស)អាចរកទិញបាននៅតាម ផ្សារទំនើប Lucky

វិធីធ្វើ៖
- យកបន្លែមកលាងឱ្យស្អាត រួចយកមករៀបដាក់ក្នុងចានដែលត្រូវទទួលទាន ( ដូចក្នុងរូប )
បន្ទាប់យកទៅដាក់ក្នុងទូរទឹកកកឱ្យត្រជាក់ ( ដើម្បីធ្វើឱ្យបន្លែស្រួយឆ្ងាញ់ )
- ដាក់ខ្ទះទុកឱ្យក្ដៅបន្តិច រួចដាក់សាច់គោចូលឆាត្រលប់ចុះត្រលប់ឡើង ដោយដាក់ម្សៅស៊ុបចូលបន្តិច ហើយឆាតែមួយភ្លែតទេ ( បើសាច់ជាប់ខ្ទះ ដាក់ទឹកចូលបន្តិច ) កុំឱ្យឆ្អិន ដល់ខាងក្នុង ឆ្អិនតែផ្នែកខាងក្រៅតិចៗបាន ហើយរួចដួសចេញ
- យកសាច់មកដាក់ក្នុងចានស្អាតមួយ រួចដាក់ ម្សៅស៊ុប ស្ករស ទឹកក្រូចឆ្មា ច្របល់ចូលគ្នាឱ្យសព្វ បន្ទាប់មកដាក់ Best Foods ចូល ហើយច្របល់ចូលគ្នាឱ្យសព្វ រួចភ្លក់មើលឱ្យល្មម តាមការចូលចិត្ត
- បន្ទាប់មកទើបដាក់ ខ្ទឹមសបំពងចូល ច្របល់ចូលគ្នាឱ្យសព្វម្ដងទៀត
- រួចយកមកដាក់ពីលើបន្លែដែលយើងត្រូវទទួលទាននោះ ហើយបន្ថែមដោយដាក់លំលម្ទេសពីលើបន្តិច រួចជាការស្រេច ។

08/12/2022

#នំត្រាវចិន
#គ្រឿងផ្សំ៖
-ត្រាវចិតសំបកហើយ 140ក្រាម
-សាច់ក្រក 20ក្រាម
-សាច់ជ្រូក 20ក្រាម
-ផ្សិតក្រៀម 20ក្រាម (2ទៅ3ផ្សិតធំៗ)
-បង្គាក្រៀម 20ក្រាម
_ខ្ទឹកក្រហម ២
គ្រឿងផ្សំA
-ម្រេច ស 1/2ស្លាបព្រា
-ម្សៅគ្រឿងទេសចិន five spices powder 1/2ស្លាបព្រា
-អំបិល 1/2ស្លាបព្រា
-ស្ករ 1ស្លាបព្រា
-ម្សៅខ្សាយ 120ក្រាម
-ម្សៅដំឡូងមី រឺម្សៅពោត 20ក្រាម
-ទឹកឆ្អិន 430មល
-អំបិល 1/2ស្លាបព្រា
#វិធីធ្វើ៖
-ចិតសំបកត្រាវហើយហាន់តូចៗដូចរូប សាច់ក្រក សាច់ជ្រូក ផ្សិតក្រៀម បង្គាក្រោមហាន់និងចិញ្រ្ចាំតូចៗដូចរូប យកគ្រឿងខាងលើហាន់ហើយទៅឆាទុកមួយអន្លើ(1)
-យកត្រាវឆាមួយស្រពាប់សឹមដាក់ទឹកចូល250មល ចំអិន10នាទីអោយគោកទឹក(2)
-យកគ្រឿងផ្សំAលាយចូលគ្នា ហើយយកគ្រឿង(1)និង(2)ចាក់ចូលម្សៅដែលលាយអោយចូលស្មើគ្នាសព្វ ហើយយកចាក់ក្នុងចាន រឺឆ្នាំចំហ៊ុយ(លាបប្រេងលើបាតចាន រឺឆ្នាំងកុំអោយនំជាប់)
-ចំហ៊ុយរយះពេល35នាទី រឺយូជាងនឹងរហូតអោយឆ្អិន យកខ្ទឹមបំពង និងស្លឹកខ្ទឹមរោយពីលើហើយជាស្រេច។

07/12/2022

#បង្អែមនំអុីរសជាតិស្លឹកតើយ
គ្រឿងផ្សំ
ម្សៅដំនើប ស្លឹកតើយ ខ្ញី ល្ងរស ខ្ទិះដូង អំបិលមួយចឹប ស្ករត្នោត
👉វិធីធ្វើ
យកស្លឹកតើយ កិនជាមួយដូង ហើយត្រងយកខ្ទិះដូងតើយ
សឹមយកម្សៅដំនើប មកលាយជាមួយ ដោយច្របល់ អោយសព្វ ពេលសព្វល្អ ម្សៅអត់ស្អិតជាប់ដៃនោះទេ ហើយត្រូវយកមកលុន តូចៗដូចរូប ។ ត្រូវដាំទឹកមួយកូនឆ្នាំងអោយពុះរួចបង់ម្សៅដែរលុនរួចចូល ទុករហូតដល់ម្សៅឆ្អិននិងអណ្តែតមកលើក្លាយជានំ ត្រូវស្រង់នំនោះដាក់ក្នុងទឹកត្រជាក់ធម្មតា ដោយទុកមួយអន្លើរសិន បន្ទាប់មកទៀត យកស្ករត្នោតដាំអោយឆ្ងុយបន្តិច រួចដាក់ខ្ងីចូលទុកអោយឈ្ងុយ ទើបចាក់ខ្ទិះដូងចូល បង់អំបិលបន្តិចផង កូរអោយពុះជាការស្រេច ជាចុងក្រោយ យកល្ងរមកលីងអោយឈ្ងុយផងដែរ ។ ហើយអ្នកអាចយកទឹកស្ករដែរធ្វើរួច មកចាក់ចូលក្នុងនំដែរស្រង់ទុកទាំងអស់នោះបាន ហើយ រោយល្ងរជាការរួចរាល់។
By Monika White

07/12/2022

#បង្អែមបាញ់ចាណឺក(រូបមន្តអ្នកម្តាយ)
#គ្រឿងផ្សំ
ស្ករត្នោត
ល្ងរស
អំបិល
ខ្ទិះដូង
ម្សៅដំណើប
សណ្តែកលឿង
ម្សៅឆា (រូបយន្តហោះ)
ខ្ញី ប្រហែល ពីរដុំ
#វិធីធ្វើ
**របៀបធ្វើទឹកស្ករ
មុនដំបូងយកខ្ញីមកហាន់ជាបន្ទះស្តើងៗ រួចយកឆ្នាំងដាក់ដាំដោយបើកភ្លើងល្មម ចាក់ស្ករត្នោតចូលកូរអោយឡើងក្រហមបន្តិចក៏ដាក់ខ្ញីទាំងអស់នោះចូល កូរអោយឡើងឈ្ងុយទើបចាក់ចុងខ្ទិះចូល បង់អំបិលបន្តិច កូរវាអោយពុះសព្វជាការស្រេចដោយទុកមួយអន្លើរសិន ។. ផ្លកមើលថារសជាតិផ្អែមល្មមឬនៅ ។
**របៀបធ្វើ ស្នូលនំ ប្រៃលមៗ
មុនដំបូងយកសណ្តែកលឿងមកលាងទឹកអោយស្អាត រួចត្រាំវាចោលកន្លះម៉ោងទើបយកទៅស្ងោរដោយដាក់អំបិលចូលបន្តិច រំងួសអោយរីកគោកទឹកល្អ បន្ទាប់មកទៀតយកមកកិនឬ សង្កត់អោយម៉ត់ល្អ ទើបយកមកពូនជាដុំតូចៗល្មម ជាការស្រេច។
**របៀបលាយម្សៅដំណើប
យកម្សៅដំណើបមកលាយជាមួយទឹកត្រជាក់ធម្មតា លាយបញ្ចូលគ្នារហូតដល់ម្សៅមិនស្អិតជាប់ដៃ បន្ទាប់យកមកលុនជាដុំមូលៗ ហើយសង្កត់អោយត្រប៉ែតលើបាតដៃ រួចយកស្នូលដែរធ្វើរួចយកមកខ្ចប់ជាមួយម្សៅ ជាការស្រេច ។
**របៀបលាយម្សៅសាគូ
សាគូ ត្រូវយកមកលាងទឹកអោយស្អាតហើយ ស្រង់ដាក់ចានរួចចាក់ទឹកក្តៅចូលល្មមអោយរីកបន្តិច ទុកអោយត្រជាក់បន្តិចដែរទើបយកម្សៅរូប យន្តហោះមកលាយបញ្ចូលអោយស្មើសព្វ ដូចក្នុងរូប រួចយកមកខ្ចប់ដូចម្សៅដំណើបដែរ ហើយ របៀបស្ងោរយកទឹកដាក់ចូលឆ្នាំងរាងជ្រៅបន្តិចងាយស្រួលស្ងោរ ដោយដាក់ដាំទឹកអោយពុះសិនទើបយក នំដែរខ្ចប់ទាំងអស់នោះមកបង់ចូលឆ្នាំងកំពុងពុះនោះ ដោយបើកភ្លើងល្មម កុំខ្លាំងពេក ទុករហូតដល់នំអណ្តែតឡើងមកលើ រាងយូរតិច បញ្ចាក់ថានំឆ្អិនល្អហើយ ។
ជាចុងក្រោយលោកអ្នកគ្រាន់តែដួសគ្រឿងផ្សំទាំងអស់នោះបញ្ចូលគ្នា ចូលក្នុងចានហើយស្រោចទឹកខ្ទិះដើមពីលើជាការស្រេច ។ លោកអ្នកនឹងទទួលបានបង្អែមដ៏ឈ្ងុយឆ្ងាញ់ សំរាប់ជួបជុំគ្រួសារផងដែរ.
By Monika White

15/11/2022

របៀបធ្វើ ទឹកសៀង
-------------
#គ្រឿងផ្សំ
- សៀងប្រៃ ឬសៀងផ្អែម ២០០ក្រាម ឬ ៤ស្លាបព្រាបាយ
- ខ្ញី ១ដុំតូច (តាមចំណូលចិត្ត)
- ខ្ទឹមស ២ ទៅ ២ ដុំ
- ម្ទេសហាន់ ៣ផ្លែរ
- ស្ករស ឬស្ករត្នោតកាន់ែតល្អ ២ ស្លាបព្រាបាយ
- ម្សៅពោត ២ស្លាបព្រាបាយ

#របៀបធ្វើ

1- ហាន់ខ្ញី និងដំខ្ទឹមស ហើយចិញ្រាំអោយល្អិតៗ
2- ចិញ្រាំសៀងអោយម៉ត់
3- ដាក់ឆ្នាំងលើចង្ក្រានកម្តៅល្មម រួចរំលីងស្ករត្នោតអោយក្រហមក្រមៅបន្តិច តែមិនមែនអោយខ្លោចទេ ។ បើប្រើសៀងប្រៃ ត្រូវរំលីងស្ករច្រើនបន្តិច ។ ផ្ទុយទៅវិញបើប្រើសៀងផ្អែម ត្រូវបន្ថយស្ករត្នោតវិញ ។
4- ដាក់ខ្ទឹមស និងខ្ញីចូល ហើយកូរអោយសប់ ។ កូរប្រហែល ១ នាទី និងដាក់ម្ទេសចូល
5- ចាក់សៀងចូល កូរបន្តិច ហើយចាក់ទឹកកន្លះកែវ ចូល ។ ភ្លក់មើលតាមចំណូលចិត្ត
6- ដើម្បីអោយទឹកសៀងខាប់ល្អ ដូចយើងទិញពីផ្សារ ត្រូវយកម្សៅពោត ២ ស្លាបព្រាបាយ លាយជាមួយទឹកបន្តិច ហើយកូរអោយសប់ រួចចាក់ចូលក្នុងឆ្នាំងទឹកសៀង ហើយកូរ កន្លះនាទី ។ បើមិនទាន់ខាប់ល្អ កូរម្សៅពោតបន្តិចបន្ថែម ជាការស្រេច ។

15/11/2022

#របៀបធ្វើស៊ុបទាត្រកួន
_____________________
#គ្រឿងផ្សំ
- ម្ទេសឆ្អើរ ចិញ្រ្ចាំអោយម៉ត់
- កាពិ
- ខ្ទឹមស ចិញ្រ្ចាំអោយម៉ត់
- ខ្ទិះដូង 1/2 លីត្រ
- ទា 3 kg (កាត់ជាដុំៗតូចល្មម)
- ទឹកត្រី 5 ស្លាបព្រាបាយ
- អំបិល 1 ស្លាបព្រាបាយ
- ស្ករ 6 ស្លាបព្រាបាយ
- ម្សៅស៊ុប 2 ស្លាបព្រាបាយ
- អំបិល 1 ស្លាបព្រាបាយ
- ប្រេងឆា 4 ស្លាបព្រាបាយ
- ជីវ៉ាន់ស៊ុយ
- ត្រូវ កាត់ដុំៗ

#វិធីធ្វើ:
1- សាច់ទាកាប់ជាដុំៗ រួចយកទៅប្រលាក់ជាមួយខ្ទឹមស ជីវ៉ាន់ស៊ុយ និងគ្រឿងផ្សំទាំងអស់ និងតៅហ៊ូ ប្រលាក់ឱ្យសព្វទុកមួយអន្លើ។
2- យកត្រាវយកទៅចៀនឱ្យឡើងក្រឡាក្រហមល្អ រួចទុកមួយអន្លើ
3- ដាំខ្ទះអោយក្តៅ ដាក់ប្រេងឆាចូលរួចខ្ទឹមសចិញ្រ្ចាំនឹងម្ទេសឆ្អើរចិញ្រ្ចាំឆាអោយក្រហមល្អ រួចសឹមដាក់កាពិ ឆាអោយសព្វល្អ ទើបដាក់សាច់ឆាច្របល់ឲ្យសព្វ
4- ក្រោយមកដាក់ខ្ទិះដូងចូល រំងាស់រួចដាក់ទឹករំងាស់អោយឆ្អិនល្អរួចដាក់ត្រាវចៀន។

#គ្រឿងផ្សំ ទឹកតៅហ៊ូសម្រាប់ញ៉ាំជាមួយស៊ុបទាត្រកួន
- តៅហ៊ូ
- ខ្ទឹមស 10 កំពិស
- ស្ករ 5 ស្លាបព្រាបាយ
- បីចេង
- ទឹកក្រូចឆ្មា 4-5 ស្លាបព្រាបាយ
- ម្ទេស

#វិធីធ្វើ
- ចិញ្រ្ចាំខ្ទឹមស និងម្ទេសអោយម៉ត់
- យកតៅហ៊ូដាក់ក្នុងចាន ច្របល់អោយម៉ត់ សឹមដាក់ស្ករ ប៊ិចេង ទឹកក្រូចឆ្មា ខ្ទឹមស ម្ទេស កូរអោយសព្វ ថែមថយគ្រឿងផ្សំតាមចំនូលចិត្ត។

#ការរៀបចំស៊ុបទាត្រកួន
- ដួសទឹកស៊ុបទាដាក់ក្នុងកូនឆ្នាំមួយ ដាំអោយពុះ សឹមដាក់បន្លែមីឬនំបញ្ចុកតាមការចូលចិត្ត ៕

15/11/2022

#របៀបធ្វើត្រាវឆឹងស្ករ
___________________
**គ្រឿងផ្សំ:
_ត្រាវ ១គីឡូ
_ស្ករស ៤០០ក្រាម
_ទឹកឆ្អិន ៤ស្លាបព្រាបាយ
_អំបិល កន្លះស្លាបព្រាកាហ្វេ
_ស្លឹកខ្ទឹម ហាន់ល្អិតៗ

**វិធីធ្វើ:
១ / យកត្រាវចិតសំបកឲ្យស្អាត ហើយលាងទឹក រួចកាត់ជាដុំ ឬវែងល្មម តាមចំណូលចិត្ត។
២ / បន្ទាប់មកយកត្រាវដាក់បំពង ដាក់ស្លឹកតើយចូល បំពងឲ្យក្រៀមល្មម រួចស្រង់ទុកមួយឡែក។
៣ / យកខ្ទះដាក់ស្ករស ទឹក និងអំបិលកូរចូលគ្នាឲ្យសព្វ រួចដាក់ស្លឹកខ្ទឹមចូល ហើយដាក់ត្រាវបំពងហើយចូល ច្របល់ចូលគ្នាឲ្យសព្វ ជាការស្រេច៕

14/11/2022

#បុកល្ហុងអំពិលខ្ចី #បន្លែផ្កាស្នោ #ស្លឹកកន្ទួត
#ប្រភពLe_croissant
Le Croissant

14/11/2022

#ខ្នប់កូនត្រី #កប់កូនត្រី #ផ្សិតចំបើង #កំពឹស #ខ្នប់ប្រហុក
#ខ្នប់ប្រហុកកូនត្រីជាមួយសាច់ជ្រូក(កប់កូនត្រី)
#គ្រឿងផ្សំ៖
_កូនត្រីល្អិតៗ ដូចជាចង្វារភ្លៀង ត្រីកញ្រ្ជូក បណ្តូលអំពៅជាដើម 1ខាំ
_សាច់ជ្រូកចិញ្រ្ចាំ
_កូនកំពិសតូចៗ កន្លះខាំ
_គ្រឿងបុក (ខ្ទឹមស គល់ស្លឹកគ្រៃ រំដេង រមៀត ខ្ជាយ) កន្លះស្លាបព្រាបាយ
_ក្រសាំងចាស់ 1ស្លាបព្រាបាយ
_ប្រហុកចិញ្ច្រាំ 1ចឹប
_ស្លឹកម្រះព្រៅ 4ទៅ5ត្រួយ
_ស្ករស 1ចឹប
_ម្សៅស៊ុបខ្នរ ឬរ៉តឌី 1ចឹប
_ផ្សិតចំបើង
_ស្លឹកចេក ឬស្លឹករមៀតសម្រាប់ខ្ចប់ 4ទៅ5បន្ទះ

#វិធីធ្វើ
១.ច្របាច់យកអាចម៍ត្រីចេញពីពោះឲ្យអស់ លាងទឹកឲ្យស្អាត(បើយកអាចម៍ត្រីមិនអស់វានឹងធ្វើឲ្យខ្នប់ល្វីងពិបាកញ៉ាំ)
២.កំពិសបេះព្រុយពុកមាត់ចេញឲ្យអស់លាង ឲ្យស្អាត
៣.គ្រឿងបុកឲ្យម៉ត់
៤.ម្រះព្រៅបេះយកតែស្លឹកលាងឲ្យស្អាត
៥.ប្រហុកចិញ្ច្រាំឲ្យម៉ត់
៦.ពុះក្រសាំងឆ្កៀលយកទាំងសាច់ទាំងគ្រាប់
៧.រោលស្លឹកចេក ឬស្លឹករមៀតជាមួយភ្លើងឲ្យ ទន់បន្តិចងាយស្រួលពេលខ្ចប់មិនរហែកស្លឹក
៨.យកចានជ្រៅធំមួយ ដាក់សាច់ជ្រូកចិញ្រ្ចាំ កូនត្រី កូនកំពិស គ្រឿងបុក ផ្សិតចំបើង ក្រសាំង ប្រហុក ស្ករស ម្សៅស៊ុបខ្នរ ស្លឹកម្រះព្រៅរួចច្របល់ចូលគ្នាឲ្យសព្វល្អ(បើចូលចិត្តហ៊ឹរអាចចិញ្ច្រាំម្ទេសដាក់លាយជាមួយ)
៩.ដួសត្រីដែលច្របល់រួចនោះដាក់លើ ស្លឹកចេកឬស្លឹករមៀតរួចខ្ចប់វាបត់ឲ្យស្អាតដូចបត់នំបត់ រួចយកទៅអាំងឲ្យឆ្អិន ជះក្លិនឈ្ងុយ បើកយកមកពិសាជាមួយបាយក្តៅៗ ង៉ាញ់ណាស់ម៉ាក់អើយ។

==>ចំណាំ:តាមខេត្តមួយចំនួនគេទទួលទានផ្ទាប់ជាមួយបន្លែ ត្រសក់ ត្រប់ជាដើម។

02/11/2022

ស៊ុបគោ beef soup

Le Croissant

11/12/2022

08/12/2022

07/12/2022

07/12/2022

15/11/2022

15/11/2022

15/11/2022

14/11/2022

14/11/2022

02/11/2022

Address

Website

Alerts

Shortcuts

Share

Category

Listing takedown request