GROW KH

12/10/2026

ជាង ៣០០ ទំព័រ ➡️ ជិត ១០០ ទំព័រ 📗✨

ខ្លឹមសារកាន់តែស៊ីជម្រៅ ច្បិចយកតែចំណុចសំខាន់ៗ និងកាត់រូបភាពចោល!

អំបូរដំណាំ ៣៦ · ដំណាំជាង ៥៣០ មុខ · តាមស្តង់ដារ APG IV · សម្រាប់បរិបទកសិកម្មកម្ពុជា 🇰🇭

គ្រោងចប់មុនភ្ជំ តែទើបជិតរួចរាល់ … នរណាខ្លះចង់អានមុនគេ? 👇 Comment មក!

#កសិកម្មកម្ពុជា

10/10/2026

08/10/2026

ដើមធំមានហើយដាំដើមតូចពីក្រោមបានទេ!!!???

ឯកសារពេញលេញចេញ់ជូនឆាប់ៗ សូមជួយសៀរទុកកុំឱ្យពិបាករកពេលកក្រោយ!!

08/10/2026

ដាំឆ្លាស់ និងដាំចម្រុះ !!
ឯកសារពេញលេញចេញជូនឆាប់ៗ
សូមជួយចែករំលែកទុកមើលថ្ងៃក្រោយកុំឲ្យពិបាករក!!

08/10/2026

តារាងបង្វិលមុខដំណាំ !!

ឯកសារពេញលេញ់ជាង ៧០ទំព័រសង្ឃឹងថានឹងចេញ់ទាន់មុខភ្ជំ
សូមជួយចែករំលែកជាកម្លាំងចិត្តក្នុងការរៀបរៀងមួយផងបងៗ!!

07/10/2026

ខ្លះៗអំពីអំបូរដំណាំ!
បងៗចាប់អារម្មណ៍ មានច្រើនជាង 70ទំព័រគ្រប់ប្រភេទដំណាំនឹងចែកជូនឆាប់ៗ!!

សូមជួយ shares ផងបងៗជាកម្លាំងចិត្តក្នុងការរៀបរៀងនឹងចែកជូនគ្រប់ៗគ្នា ពិេសសអ្នក Follow និង​​ បានចែករំលែកបន្ត 🙏

05/10/2026

មាននៅក្នុង app ចំការ!!

ខ្ញុំកកំពុងនៅរៀបរៀងលម្អិតនូវឯកសារអំពីអបូរ/គ្រួសារនៃដំណាំ។ មានច្រើនទៀតដែលត្រូវយល់ដឹង ពិសេសបងប្អូនដែលពាក់ព័ន្ធនឹងវិស័យកសិកម្ម!

បងប្អូនគួរសៀរទុក ដើម្បីថ្ងៃក្រោយងាយរកឃើញ។

29/09/2026

🌱 កូនដំណាំស្រាប់តែស្រពោន ហើយដួលរាបក្បែរផ្ទៃដី… តើកំពុងកើតអ្វីឡើង? 😥

អ្នកបណ្ដុះកូនដំណាំភាគច្រើនប្រាកដជាធ្លាប់ជួបស្ថានភាពបែបនេះ៖ ល្ងាចមិញកូនដំណាំនៅស្រស់ថ្លាល្អ តែព្រឹកឡើងស្រាប់តែស្លឹកទន់ ស្រពោន ដើមរួញស្វិត ហើយដួលរាបទៅលើដី។ បើទុកចោលតែ ១-២ ថ្ងៃ អាចរាលដាលខូចខាតអស់មួយថាសបណ្ដុះតែម្ដង។

ករណីក្នុងរូបភាពនេះ បង្ហាញពីរោគសញ្ញាជាក់ស្ដែងនៃ «ជំងឺរលួយគល់កូនដំណាំ» (Damping-off) ដែលស្ថិតក្នុងដំណាក់កាល Post-emergence (រលួយគល់ក្រោយពេលដុះចេញពីដី)។
🔍 តើ Damping-off ជាអ្វីឱ្យពិតប្រាកដ?
តាមបច្ចេកទេសការពារដំណាំ Damping-off មិនមែនជាឈ្មោះប្រភេទផ្សិតតែមួយមុខនោះទេ ប៉ុន្តែវាជា «ក្រុមរោគសញ្ញាជំងឺ» ដែលបង្កឡើងដោយភ្នាក់ងារចម្លងរស់នៅក្នុងដីជាច្រើនប្រភេទ រួមមាន៖
• ពពួក Oomycetes (ផ្សិតទឹក): Pythium spp. និង Phytophthora spp. (ចូលចិត្តបរិយាកាសដីជាំទឹកខ្លាំង)
• ពពួកផ្សិតពិត (True Fungi): Rhizoctonia spp. និង Fusarium spp.

ចំណាំបច្ចេកទេស៖ ជំងឺនេះអាចកើតឡើង ២ ដំណាក់កាល៖
1. Pre-emergence damping-off: គ្រាប់ពូជរលួយងាប់តាំងពីក្នុងដី មុននឹងដុះពន្លកចេញមកក្រៅ។
2. Post-emergence damping-off: កូនដំណាំដុះផុតពីដីហើយ ទើបមេរោគវាយប្រហារចំត្រង់កញ្ចឹងក (គល់ក្បែរផ្ទៃដី) ធ្វើឱ្យជាលិកាដើមស្វិត ទន់ជ្រាបទឹក និងបាក់ដួល (ដូចក្នុងរូបភាពបង្ហាញយ៉ាងច្បាស់)។

💧 កត្តាជម្រុញ និងបរិស្ថានអំណោយផល
មេរោគទាំងនេះមិនអាចបំផ្លាញកូនដំណាំបានងាយៗឡើយ ប្រសិនបើគ្មានកត្តាបរិស្ថានជួយជម្រុញ៖
• សំណើមដីលើសកម្រិត: ការស្រោចទឹកញឹកពេក ឬដីបណ្ដុះបង្ហូរទឹកមិនទាន់។
• ដង់ស៊ីតេកូនដំណាំណែនពេក: ខ្យល់មិនចេញចូល ធ្វើឱ្យសំណើមនៅជាប់ផ្ទៃដី និងស្លឹកយូរ។
• កង្វះពន្លឺ: ធ្វើឱ្យកូនដំណាំដុះលូតវែង ដើមទន់ខ្សោយ និងងាយរងគ្រោះ។

⚠️ កុំទាន់ប្រញាប់សន្និដ្ឋានថា «កូនដំណាំដួល = ផ្សិតរលួយគល់» ទាំងស្រុង! មុននឹងសម្រេចចិត្តព្យាបាល ត្រូវច្រានចោលមូលហេតុសរីរវិទ្យាផ្សេងទៀតសិន ដូចជា៖ កូនដំណាំខ្វះទឹកខ្លាំង, ការដាក់ជីលើសកម្រិត (Chemical burn), ឬសីតុណ្ហភាពផ្ទៃដីក្ដៅខ្លាំងពេកធ្វើឱ្យរលាកគល់។ ត្រូវដកកូនដំណាំពិនិត្យមើលគល់ និងឫស៖ បើគល់ស្វិតរួញ ជ្រាបទឹក ឬប្រែពណ៌ត្នោតខ្មៅខុសធម្មតា ទើបអាចសន្និដ្ឋានបានថាជា Damping-off។

🛡️ វិធានការការពារ និងគ្រប់គ្រងតាមគោលការណ៍បច្ចេកទេស
ជំងឺនេះ នៅពេលដែលកើតឡើងរហូតដល់ដួលដើមហើយ គឺមិនអាចស្រោចស្រង់កូនដើមនោះមកវិញបានទេ ដូច្នេះ «ការការពារ គឺជាជម្រើសតែមួយគត់ដែលមានប្រសិទ្ធភាព»៖
1. អនាម័យឧបករណ៍ដាំដុះ: លាងសម្អាត និងសម្លាប់មេរោគលើថាសបណ្ដុះចាស់ៗមុននឹងយកមកប្រើឡើងវិញ។
2. ជ្រើសរើសដីបណ្ដុះ ឬរៀបចំ: ប្រើប្រាស់ដីបណ្ដុះ ឬ Peat moss ដែលមានរចនាសម្ព័ន្ធធូរ ស្អាត និងបង្ហូរទឹកបានលឿន។
3. គ្រប់គ្រងសំណើម និងខ្យល់ចេញចូល: ស្រោចទឹកក្នុងកម្រិតល្មមសមស្រប រក្សាចន្លោះរវាងកូនដំណាំ និងដាក់ថាសបណ្ដុះនៅកន្លែងដែលមានពន្លឺ និងខ្យល់ចេញចូលល្អ។
4. ប្រើប្រាស់ភ្នាក់ងារជីវសាស្ត្រការពារជាមុន: ការលាយផ្សិតប្រយោជន៍ Trichoderma harzianum ទៅក្នុងដីបណ្ដុះមុនពេលសាបគ្រាប់ ជួយទប់ស្កាត់ និងកម្ចាត់មេរោគ Pythium និង Rhizoctonia នៅក្នុងដីបានយ៉ាងមានប្រសិទ្ធភាព។
5. វិធានការបន្ទាន់ពេលផ្ទុះជំងឺ: ប្រសិនបើឃើញមានកូនដំណាំចាប់ផ្តើមដួល ត្រូវដកដើមឈឺចេញភ្លាមៗ រួមទាំងដីជុំវិញនោះផង កាត់បន្ថយការស្រោចទឹកជាបន្ទាន់ និងអាចប្រើប្រាស់ថ្នាំការពារកម្ចាត់ផ្សិតដែលស្របតាមប្រភេទមេរោគសង្ស័យ (ឧទាហរណ៍៖ ក្រុម Metalaxyl/Mefenoxam ឬ Propamocarb សម្រាប់ពពួក Pythium/Phytophthora)។
ការដាំដុះប្រកបដោយជោគជ័យ មិនមែនចាប់ផ្ដើមពីការស្វែងរកថ្នាំព្យាបាលពេលដំណាំឈឺនោះទេ តែចាប់ផ្ដើមពីការយល់ដឹងអំពីតុល្យភាពរវាង ដំណាំ មេរោគ និងបរិស្ថាន។ 🌱💚

29/09/2026

28/09/2026

ខ្ញុំកំពុងរៀបចំចងក្រងឯកសារមួយនេះ ដោយមានក្តីសង្ឃឹមថា នឹងអាចក្លាយជាឯកសារដែលមានប្រយោជន៍សម្រាប់ កសិករ អ្នកដាំដំណាំ និស្សិតកសិកម្ម អ្នកបច្ចេកទេស និងអ្នកដែលចាប់អារម្មណ៍លើវិស័យកសិកម្ម។ 🌱📚

ឯកសារនេះផ្តោតលើ ក្រុមគ្រួសាររុក្ខជាតិ (Crop Families) សំខាន់ៗ ដោយរៀបចំឱ្យងាយស្រួលស្វែងយល់ និងប្រើប្រាស់ក្នុងការងារកសិកម្ម ដូចជា៖

🌿 ការស្គាល់ក្រុមគ្រួសាររបស់ដំណាំ
🌱 លក្ខណៈសម្គាល់ និងភាពខុសគ្នារវាងដំណាំ
🐛 សត្វល្អិត និងជំងឺដែលអាចពាក់ព័ន្ធនឹងដំណាំក្នុងក្រុមនីមួយៗ
🧪 ការគ្រប់គ្រងជី និងការថែទាំដំណាំ
🔄 ការរៀបចំការបង្វិលដំណាំ (Crop Rotation)
📖 និងចំណេះដឹងបច្ចេកទេសផ្សេងៗដែលអាចយកទៅអនុវត្តបាន។

គោលបំណងមិនមែនគ្រាន់តែជាការប្រមូលព័ត៌មានទុកប៉ុណ្ណោះទេ ប៉ុន្តែចង់រៀបចំឱ្យវាក្លាយជា សៀវភៅណែនាំខ្នាតតូចសម្រាប់អ្នកធ្វើកសិកម្ម ដែលអាចយកមកមើល និងស្វែងរកព័ត៌មានបានងាយស្រួល។ 🌾

ការងារនេះកំពុងស្ថិតក្នុងដំណាក់កាល រៀបចំ និងពិនិត្យកែសម្រួល ដូច្នេះ ប្រសិនបើមានចំណុចខ្វះខាត ឬព័ត៌មានដែលគួរកែលម្អ ខ្ញុំក៏សូមអរគុណចំពោះមតិយោបល់ និងការចែករំលែកចំណេះដឹងពីអ្នកមានបទពិសោធន៍ផងដែរ។ 🙏

សង្ឃឹមថា ឯកសារតូចមួយនេះ នឹងអាចចូលរួមចែករំលែកចំណេះដឹង និងមានប្រយោជន៍ដល់វិស័យកសិកម្មរបស់យើង។ 🌱🇰🇭

#កសិកម្ម #ចំណេះដឹងកសិកម្ម #ដំណាំ