http://www.ateamarchitects.com/

A Team Architects, Yangon (2026)

22/09/2026

ယနေ့ခေတ် Sustainable Landscape Design တွေမှာ
အဆောက်အအုံပတ်ဝန်းကျင် အပူချိန်လျှော့ချဖို့အတွက်
အပင်စိုက်ပျိုးတဲ့ နည်းလမ်းဟာ
ရှေးမြန်မာ့ အိမ်ဝိုင်း အပင်စိုက်ဓလေ့ကနေ ဆင်းသက်လာတာများဖြစ်နိုင်မလား။

ရှေးမြန်မာ့အိမ်ဝိုင်းတွေကိုကြည့်ရင်
အိမ်ဆောက်မယ့် မြေကွက်ပတ်လည်မှာ
တမာပင်၊ သန်းပင်၊ မန်ကျည်းပင်စတဲ့
သစ်ပင်ကြီးတွေကို စနစ်တကျ စိုက်ပျိုးလေ့ရှိကြတယ်။

ဒါဟာ ရိုးရိုး သစ်ပင်စိုက်တာ မဟုတ်ဘဲ
အိမ်တစ်အိမ်ရဲ့ Microclimate (အိမ်ဝိုင်းအတွင်း ရာသီဥတု) ကို
ဗိသုကာ နည်းလမ်းကျကျ ဖန်တီးကြခြင်းပါ။

Windbreak & Shading လို့ဆိုနိုင်တဲ့
လေကာနဲ့ အရိပ်အတွက်
သစ်ပင်ကြီးတွေဆီကနေ လေပူကို တားဆီးပေးနိုင်တဲ့အပြင်
ရွက်အုပ်တွေဆီကနေ အရိပ်အာဝါသကို ရရှိစေနိုင်ပါတယ်။

သစ်ပင်ကြီးတွေဟာ
သဘာဝအတိုင်း ရေခိုးရေငွေ့တွေကို လေထုထဲ ထုတ်ပေးနိုင်တာကြောင့်
အိမ်ဝိုင်းတစ်ခုလုံးရဲ့ အပူချိန်ကို အကောင်းဆုံးလျှော့ချပေးနိုင်ပါတယ်။

18/09/2026

သပ္ပာယ်ရုံ၊ လှပရုံသက်သက်
ဘုံအဆင့်ဆင့် မိုးထားတဲ့ အမိုး - Tiered Roofs တွေလို့ထင်နေတာဆိုရင်
ဒါဟာ Stack Ventilation ရဲ့ ဗိသုကာပညာရပ်တစ်ခုဖြစ်သလို
Natural Ventilation System ဒီဇိုင်းရဲ့
အခြေခံ သဘောတရားအတိုင်း တည်ဆောက်ထားတာပါ။

Hot Air Rising လို့ခေါ်တဲ့
အိမ်တွင်းမှာရှိတဲ့ လေပူတွေဟာ
သဘာဝအတိုင်း အထက်ကို
မြင့်တက်သွားလေ့ရှိပါတယ်။

အမိုးအဆင့်ဆင့်တွေကြားက
အပေါက်တွေနဲ့ ပြတင်းပေါက်တွေကနေတဆင့်
လေပူတွေကို အပြင်ကို အလိုအလျောက် ထွက်သွားစေတဲ့အခါ
ဖြစ်ပေါ်လာတဲ့ လေဖိအားအကွာအဝေးကြောင့်
အောက်ခြေက လေအေးတွေဟာ အဆောက်အအုံထဲကို အလိုအလျောက် စီးဝင်လာပါတယ်။

14/09/2026

အုတ်နံရံတွေထက် ပိုအသက်ရှူနိုင်တဲ့ 'ဝါးထရံ' တွေဆိုတာ
ကွန်ကရစ်တိုက်တွေထဲနေရင်း အဲကွန်းဖွင့်ထားရင်းတောင်
အထဲမှာ မွမ်းကျပ်သလို ခံစားဖူးတယ်ဟုတ်...

ရှေးမြန်မာ့ ရိုးရာအိမ်တွေမှာသုံးခဲ့တဲ့ "ဝါးထရံ"တွေဆိုတာ အိမ်ကို လုံခြုံအောင်ကာရံပေးရုံတင် မဟုတ်ဘဲ
အဆောက်အအုံတွင်း "အသက်ရှူချောင်" စေတဲ့ သဘာဝ နံရံတစ်ခုပါ။

ထရံရဲ့ ရက်လုပ်ထားတဲ့ အပေါက်ငယ်လေးတွေဟာ
လေထုကို အမြဲတမ်းကောင်းစွာ လှည့်ပတ်စီးဆင်းစေနိုင်တဲ့အပြင်
အိမ်တွင်း စိုထိုင်းဆနဲ့ အပူချိန်ကို အလိုအလျောက်မျှတပေးပြီး
အေးမြဆန်းသစ်တဲ့ခံစားချက်ကို ပေးစွမ်းနိုင်ပါတယ်။

ပြန်လည်စိုက်ပျိုးရလွယ်ကူပြီး
ပတ်ဝန်းကျင်ကို လုံးဝမထိခိုက်စေတဲ့ Bamboo Architecture ဟာ
ရှေးရိုးရာ ဗိသုကာအမြင်နဲ့ ခေတ်မီ Sustainability သဘောတရားကို လွယ်လွယ်ကူကူ ချိတ်ဆက်ပေးနိုင်တဲ့အပြင်
ဗိသုကာလောကမှာ ခေတ်အမီဆုံး လှိုင်းတစ်ခု အရွေ့တစ်ခုလိုတောင် ဖြစ်လာနေပါပြီ။

11/09/2026

နွေနေပူကို အနိုင်ယူရင်း အလင်း-လေ ထိန်းချုပ်ကို အကောင်းဆုံးပြုလုပ်နိုင်ခဲ့တဲ့
အပူရှိန်ပြင်းတဲ့ မြန်မာနိုင်ငံအထက်ပိုင်းမြေလတ်နဲ့ အညာဒေသလို အိမ်ကြီးတွေမှာ မြင်တွေ့ရတဲံ "စလင်းတံခါး" (Salin Window) လို့ခေါ်တဲ့ ပြတင်းတံခါးတစ်မျိုး
အထက်ကို ဆွဲတင်ပြီး ဒေါက်ထောက်ထားရတဲ့ ဒီတံခါးဟာ
ရိုးရှင်းလှတယ်လို့ ထင်ရပေမဲ့ အလင်းနဲ့ လေကို လိုသလို ထိန်းချုပ်ထားနိုင်တဲ့ ရှေးဘိုးဘေးတို့ရဲ့ ဉာဏ်ပညာလက်ရာတစ်ခု
Shading & Ventilation - အရိပ်နဲ့ လေဝင်လေထွက်
စလင်းတံခါးကို ထောက်ထားတဲ့အခါ အပေါ်ကနေကျရောက်လာတဲ့ နေရောင်ခြည်ကို တိုက်ရိုက် အိမ်ထဲမဝင်နိုင်အောင် အရိပ် (Movable Canopy) အဖြစ် ပြောင်းလဲပေးပြီး
အောက်ခြေကနေ လေအေးကို သဘာဝအတိုင်း အပြည့်အဝ စုပ်ယူပေးနိုင်တဲ့အပြင်
မိုးရွာတဲ့အခါ ဒေါက်ဖြုတ်ချလိုက်ရုံနဲ့ အိမ်ထဲ မိုးရေမဝင်အောင် ရေကာနံရံအဖြစ် ချက်ချင်းပြောင်းလဲပေးနိုင်တဲ့ Rain Protection - မိုးကာစနစ်ပါ တပါတည်းတွေ့မြင်နိုင်ပါတယ်။

ခေတ်မှီ ဗိသုကာအဆောက်အအုံတွေမှာ သုံးနေကြတဲ့ Dynamic Facades
ရာသီဥတုအလိုက် ပြောင်းလဲနိုင်တဲ့ အပြင်ဘက်နံရံတွေရဲ့ မူလရင်းမြစ်ဟာ
ဒီစလင်းတံခါးတွေလို သဘာဝအလင်းနဲ့ လေကို မျှတအောင်အသုံးချနေတဲ့ နည်းလမ်းတွေပဲ ဖြစ်ပါတယ်။

08/09/2026

ခေတ်မီ အဲကွန်းတွေ၊ ဆိုဖာတွေ မပေါ်သေးတဲ့ ကာလ
မြန်မာ့အိမ်တိုင်းမှာ မရှိမဖြစ် ရှိခဲ့ကြတဲ့ "ကွပ်ပျစ်" နဲ့ "သောက်ရေအိုးစင်"

ဒါဟာ ရိုးရာဓလေ့တစ်ခုတည်း မဟုတ်ဘဲ
သဘာဝရဲ့ အပူဒဏ်ကို စနစ်တကျတုံ့ပြန်ခဲ့ကြတဲ့ Vernacular Architecture ရဲ့ အမိုက်စား ဒီဇိုင်းတစ်ခုဆိုတာ သင်သိပါသလား။

Passive Cooling - သဘာဝ လေအေးစနစ်
ရွှံ့အိုးထဲက ရေတွေ စိမ့်ထွက်ပြီး ရေခိုးရေငွေ့ ပျံတဲ့အခါ ပတ်ဝန်းကျင်က လေထု အလိုလို အေးမြသွားပါတယ်။

ဒါကြောင့် ရေအိုးစင်ကို ကွပ်ပျစ် ဒါမှမဟုတ် လေဝင်လေထွက်ကောင်းတဲ့ အိမ်ရှေ့ဝရန်တာမှာ ထားလိုက်ခြင်းအားဖြင့်
တိုက်ခတ်လာတဲ့ လေပူနွေးတွေဟာ ရေအိုးစင်ကိုဖြတ်ပြီး အိမ်ထဲကို အေးမြတဲ့လေညှင်းအဖြစ် စီးဝင်လာနိုင်တာကြောင့်ပါပဲ။

ယနေ့ခေတ် Eco-friendly စားသောက်ဆိုင်တွေနဲ့ Resort တွေမှာ မြင်တွေ့ရတဲ့ သဘာဝ ရေခိုးရေငွေ့သုံး အပူလျှော့ချတဲ့ နည်းစနစ် - Evaporative Cooling ဆိုတာ တစ်ခေတ်တစ်ခါက ရေအိုးစင် သဘောတရားကိုလိုပါပဲ။

04/09/2026

တစ်ခေတ်တစ်ခါက တည်ဆောက်နေထိုင်ခဲ့ကြတဲ့
ခြေတံရှည် ပျဥ်‌ထောင်အိမ်တွေဆိုတာ ဘယ်လို ဗိသုကာပညာရပ်မျိုးလဲ?

နည်းပညာခေတ်တစ်ခုမရောက်သေးမှီကာလ
ဒေသတစ်ခုရဲ့ ရာသီဥတု
ရရှိနိုင်တဲ့ သဘာဝပစ္စည်းနဲ့ ယဉ်ကျေးမှုအပေါ် မူတည်ပြီး
အလိုအလျောက် ပေါ်ပေါက်လာခဲ့တဲ့ ဗိသုကာပညာရပ်တစ်ခုဖြစ်တဲ့ Vernacular Architecture

ဒါဟာ ရိုးရာအိမ်ဆောက်နည်း သက်သက် မဟုတ်
သဘာဝတရားကြီးကို အလိုက်သင့် လိုက်လျောညီထွေဖြစ်အောင် တည်ဆောက်ခဲ့တဲ့ ဗိသုကာပညာရပ်တစ်ခုဆိုလဲ မမှားပါဖူး။

သယ်ယူစရိတ်မကုန်ဘဲ
ပတ်ဝန်းကျင်တစ်ခုမှာတင် အလွယ်တကူရနိုင်တဲ့ သစ်၊ ဝါး၊ ရွှံ့၊ ကျောက်တွေအသုံးပြုပြီး
ရေဘေးနှင့် အပူဒဏ်ကို ကာကွယ်နိုင်ဖို့
ခြေတံရှည် ပျဥ်‌ထောင်အိမ်တွေ တည်ဆောက်နေထိုင်ခဲ့ကြတာပါ။

Traditional Burmese Stilt House
မြန်မာ့ရိုးရာ တဲခြေတိုင်အိမ်ကို ခွဲခြမ်းစိတ်ဖြာကြည့်တဲ့အခါ
မြေပြင်ကနေ အထက်ကို မြှင့်ဆောက်ထားခြင်းဖြင့်
မြေကြီးက အပူပြန်ခြင်း
ရေကြီးခြင်းနှင့် သတ္တဝါအန္တရာယ်မှ ကာကွယ်ပေးနိုင်သလို
သက်ငယ် သို့မဟုတ် ဓနိမိုးများအသုံးပြုပေးထားခြင်းက အပူကို စုပ်ယူမှုမရှိဘဲ
လေဝင်လေထွက် ကောင်းမွန်စေနိုင်တာကြောင့်ပါ။

လက်ရှိမှာတော့ Vernacular Architecture ရဲ့ အခြေခံသဘောတရားတွေကို
သဘာဝပတ်ဝန်းကျင် ထိန်းသိမ်းရေး (Sustainability) အတွက် ပြန်လည် ဆန်းသစ်ပြီး ခေတ်မီ ဗိသုကာဒီဇိုင်းတွေမှာ အသုံးပြုလာကြပါပြီ။

01/09/2026

ဗိသုကာသမိုင်းမှာ အကျော်ကြားဆုံး အငြင်းပွားဖွယ်ရာ
အယူအဆနှစ်ခုကို ပြောပါဆိုရင်
“Less is More” နဲ့ “Less is a Bore” ပဲ ဖြစ်ပါတယ်။

"Less is More - နည်းလေ၊ ကောင်းလေ”
မလိုအပ်တဲ့ အလှဆင်မှု (Ornamentation) တွေကို အကုန်ဖယ်ရှားလိုက်ပြီး
အဆောက်အဦးရဲ့ တည်ဆောက်ပုံ၊
အသုံးပြုတဲ့ Material (Concrete, Steel, Glass) တွေကို
ရှင်းလင်းတဲ့ လိုင်းတွေနဲ့ပဲ ချပြလိုက်တာမျိုးဟာ
Minimalist Design တစ်ခုလို
ရှင်းလင်းပြတ်သားမှုအပြင်
စနစ်ကျလှပသေသပ်မှုကိုပါ ခံစားရစေနိုင်ပါတယ်။

"Less is a Bore - နည်းလေ ပျင်းစရာကောင်းလေ”
အဆောက်အဦးတစ်ခုဆိုတာ
စက်ရုံထုတ်သေတ္တာတစ်လုံးလို ရှင်းလင်းနေစရာ မလိုပါဘူး။
ယဉ်ကျေးမှု၊ သင်္ကေတ၊ အမှတ်တရတွေအပြင်
ရှုပ်ထွေးမှု (Complexity) တွေ ပါဝင်နေရမယ်။

ဒါဟာ Postmodern Design တစ်ခုလို အရောင်အသွေးသုံးစွဲမှု၊ သမိုင်းဝင်ပုံသဏ္ဍာန်တွေကို ပြန်လည် ဆန်းသစ်လာစေနိုင်ပါတယ်။

30/08/2026

အဆောက်အဦးဒီဇိုင်းတစ်ခုဆွဲတဲ့အခါ
အများစုက “ရှင်းရှင်းလင်းလင်းဖြစ်စေဖို့အတွက် အလင်းရောင်ကောင်းကောင်းရဖို့” ကိုပဲ စဉ်းစားလေ့ရှိကြတယ်။

အလင်းရောင်ဆိုတာ မရှိရင်
အမှောင်ဆိုတာ ဖြစ်မလာနိုင်သလို
အမှောင်ဆိုတာလည်း အလင်းရောင်ရဲ့ ဖန်တီးမှုပဲလို့ မှတ်သားခဲ့ဖူးတာကြောင့်
ဗိသုကာမှာ Light & Shadow (အလင်းနဲ့ အမှောင်)ဟာ Space ကို ပုံဖော်ပေးတဲ့ Depth (အနက်) ကို ဖန်တီးပေးနိုင်ပါတယ်။

Kimbell Art Museum (Texas, USA)လို
နာမည်ကြီးပြတိုက်တစ်ခုမှာ ပန်းချီကားတွေကို
တိုက်ရိုက် နေရောင်ခြည်မထိဘဲ သဘာဝအလင်းရောင်ပေးနိုင်ဖို့
Vault (ခုံးမိုး) အမိုးတွေကို ဖန်တီးခဲ့တာဟာ
အလင်းနဲ့ အမှောင်ကို ကောင်းကောင်းအသုံးချထားတာဖြစ်တဲ့အပြင်
နံရံတွေကြား Texture တွေက ထင်ထင်ရှားရှားပိုဖြစ်လာစေပါတယ်။

26/08/2026

အဆောက်အဦး Render တွေပေါ် အပင်တွေ အများကြီး လိုက်ကပ်လိုက်တာ
အမိုးပေါ် Green Roof တင်လိုက်တာနဲ့တင် Sustainable Design ဖြစ်နိုင်ပြီလား?

Sustainable Design or Green Architecture ဆိုတာ ဘာလဲ?

Sustainable Design (သို့) Green Architecture ဆိုတာ အပင်စိုက်တာ သက်သက်မဟုတ်ပဲ
အဆောက်အဦးတစ်ခုလုံးရဲ့ သက်တမ်းတစ်လျှောက် သဘာဝပတ်ဝန်းကျင်အပေါ် သက်ရောက်မှုကို အနည်းဆုံးဖြစ်အောင် ဖန်တီးထားတာမျိုးပဲဖြစ်ပါတယ်။

ဒါဟာ နည်းပညာ၊ Solar Panel တွေ တပ်ဆင်တာ
Active Systems မျိုးထက်စာရင်
Passive Design Strategies အရ
သဘာဝတရားကို ဒီဇိုင်းနဲ့ အပြည့်အဝအသုံးချခြင်းအပေါ်မှာ အဓိက မူတည်ပါတယ်။

Passive Strategies ကို
အ‌‌ဆောက်အဦးဒီဇိုင်းတွေထဲအသုံးချတဲ့အခါ
Orientation အတွက် အဆောက်အဦး မျက်နှာမူရာ Direction ကိုမှန်ကန်စွာထားရှိပေးတာမျိုး

Natural Ventilation
သဘာဝအတိုင်း လေဝင်လေထွက်တွေကို
Cross Ventilation တွေလို လေဝင်လေထွက်ထိန်းကျောင်းထားခြင်း၊

Stack Effect လို လေပူတွေကို
အပေါ်ဘက်ပေါက်တွေကနေ ထွက်သွားနိုင်အောင်ဖန်တီးထားခြင်းမျိုးတွေအပြင်

Daylighting
သဘာဝ အလင်းရောင်ကို ကောင်းမွန်စွာအသုံးချပေးလိုက်တာမျိုးတွေပါ။

23/08/2026

Materiality ဆိုတာ ဘာလဲ?
“ဒီနေရာမှာ ဘာလို့ Concrete သုံးတာလဲ?”
“Material တွေ အများကြီး ရောထွေးနေတယ်၊
Materiality ဆိုတဲ့ သဘောတရားကို သေချာစဉ်းစားထားရဲ့လား?”ဆိုတော့ကာ...

Materiality ဆိုတာ ဒီဇိုင်းတစ်ခုအတွက် ပစ္စည်း(Material)တွေကို သာမန် အုတ်၊ သဲ၊ ကွန်ကရစ်ဆိုတဲ့ ကုန်ကြမ်းအဖြစ် မကြည့်ဘဲ…
သူတို့မှာရှိတဲ့
Texture (အထိအတွေ့)
Weight (အလေးချိန်)
Light Reflection (အလင်းပြန်မှု)နဲ့
Emotion (ခံစားချက်) တွေကို အသုံးချတာကို ခေါ်တာပါ။

မတူညီတဲ့ Material တွေတိုင်းမှာ ကိုယ်ပိုင် “စကားသံ” နဲ့ “Personality” ရှိကြတယ်။

Concrete တွေလို ကွန်ကရစ်တွေက လေးလံတယ်၊ အေးစက်တယ်၊ တည်ငြိမ်တယ်၊ လေးနက်တယ်။

Wood တွေလို သစ်သားတွေက နွေးထွေးတယ်၊ သဘာဝဆန်တယ်၊ သက်ရှိဖြစ်တည်မှုကို ရရှိစေတယ်။

Glass တွေလို မှန်တွေက ပေါ့ပါးတယ်၊ ပွင့်လင်းမြင်သာတယ် (Transparent)၊ အထဲနဲ့ အပြင်ကို ဆက်စပ်ပေးနိုင်တယ်။

A Team Architects

22/09/2026

18/09/2026

14/09/2026

11/09/2026

08/09/2026

04/09/2026

01/09/2026

30/08/2026

26/08/2026

23/08/2026

Address

Website

Alerts

Contact The Business

Shortcuts

Share

Category

Listing takedown request