Li'l Basics

Li'l Basics |Lifestyle Products for Babies, Kids and Homes|
لجميع مستلزمات ديكور غرف الأطفال، و البيوت

25/10/2026

إذا حاسّة إنك بدك تغيّري شي ببيتك ليصير أنسب إلك ولأطفالك، بس مش عارفة من وين تبلّشي… نحنا منساعدك. 🤍

بـ Li’l Basics Space Session، منبلّش نفهم بيتكم متل ما هو اليوم، مش بس كيف شكله.

منحلّل المساحة، روتينكم اليومي، أعمار أطفالك، اهتماماتهم، وكيف بتستخدموا كل زاوية بالبيت.

وبناءً على احتياجاتكم، منساعدك تعرفي شو فعلًا ناقصكم، وشو ممكن يتغيّر بتوزيع الأثاث أو بطريقة استخدام المساحة، قبل ما تبلّشي تشتري أغراض جديدة.

حسب احتياجك، ممكن نجهّزلك:
✨ Moodboard يوضّح التوجّه والألوان والقطع المناسبة لمساحتكم.
🛍️ Shopping list بالأشياء اللي بتحتاجيها فعلًا، بدل المشتريات العشوائية.
📐 إرشادات لتوزيع الأثاث واستغلال المساحة بطريقة عملية.
💡 أو ببساطة، توجيهات واضحة تساعدك تعرفي من وين تبلّشي وشو أولوياتك.

ومش ضروري تغيّري كل شي! أوقات، إعادة ترتيب الموجود وتعديلات بسيطة بيعملوا فرق كبير بطريقة عيشكم للمساحة.

هدفنا نساعدك تعملي بيت يناسب طفلك واحتياجاته، ويضلّ بنفس الوقت يشبهك ويشبه أسلوب حياتكم كعيلة. 🤍

مش عارفة من وين تبلّشي؟ ابعتيلنا DM واكتبي SPACE، ومنحكي سوا عن احتياجات بيتكم.


#السعودية
#بيتك

17/10/2026

أغلبنا لما يجهّز غرفة البيبي، بيفكّر بالسرير، والألوان، والديكور… 🤍

بس غرفة البيبي مش بس مساحة حلوة بالصور! هي مساحة رح يعيش فيها طفلك مراحل كتير من نموّه، وإنتِ كمان رح تقضي فيها وقت طويل. عشان هيك، طريقة تصميمها لازم تخدم احتياجاتكم إنتو الاثنين.

✨ ٤ أشياء فكّري فيها وإنتِ عم تجهّزي غرفة البيبي:

🤍 ١. مساحة مفتوحة للحركة والاستكشاف

مش ضروري نعبي الغرفة بأثاث وألعاب من أول يوم. حاولي تتركي مساحة مفتوحة وآمنة، تناسب البيبي لما يبدأ يتحرّك ويستكشف. مع نموّه، هالمساحة بتعطيه فرص يجرّب حركات جديدة ويتفاعل مع البيئة حواليه، من دون ما تكون الغرفة مزدحمة بأغراض ما بيحتاجها حاليًا.

🎨 ٢. Personalization سهل يتغيّر مع الوقت

طبيعي تتحمّسي لاسم البيبي على الحيط، أو لرسومات وألوان بتحبّيها. بس فكّري بتفاصيل تقدري تغيّريها بسهولة، مثل اللوحات، والـwall decals، والإكسسوارات الخفيفة.

ليش؟ لأن طفلك رح يكبر، واهتماماته رح تتغيّر، والغرفة لازم تتغيّر معه. مش كل مرحلة لازم تعني أثاث جديد أو تصميم من الصفر!

🌱 ٣. صمّمي للمستقبل، مش بس لمرحلة الـnewborn

احتياجات البيبي بأول أشهره غير احتياجاته لما يبدأ يزحف، ويوقف، ويمشي، ويستكشف.

اختاري قطع أساسية وعملية، وفكّري كيف ممكن تعيدي ترتيب المساحة مع الوقت. وخلي الأغراض المناسبة لعمره سهلة الوصول لما يصير جاهز يستخدمها بنفسه.

وما تنسي إنو مكان النوم لازم يكون آمن ومناسب لعمره�

15/10/2026

ببيت بيدعم نمو الطفل و بيساعدك، الهدف مش إننا نضل نذكّر بكل شي طول اليوم، لكن نجهّز لهم بيئة تساعدهم يعتمدون على نفسهم ويسوّوا الأشياء باستقلالية شوي شوي. 🤍

لما يكون لكل غرض مكان واضح، والطفل عارف شو المطلوب منه، عبارة «رتّب غرفتك» تصير مهمة يعرف كيف يبدأ فيها، بدل ما تكون طلب يتكرر كل يوم ويقاومه.

طيب، شو فينا نغيّر؟

✨ ١. جهّزي البيت حتى يناسب طفلك
استخدمي رفوف منخفضة، وسلال واضحة، وحدّدي مكان لكل غرض. لما يعرف طفلك وين يحط ألعابه وكتبه وأغراضه، يصير أسهل عليه يرجّعها. إذا المكان ما واضح له، كيف نتوقع منه يرتّب لحاله؟

✨ ٢. علّميه كيف يسوي الشي، مش بس تطلبي منه
بدل ما نقول له كل مرة «رتّب» أو «حط أغراضك مكانها»، فرجيه كيف يسويها. علّميه وين يحط ملابسه، وكيف يرجّع اللعبة لمكانها، وبعدها أعطيه فرصة يجرّب بنفسه. طبيعي يحتاج وقت وتدريب، خصوصًا بالبداية.

✨ ٣. بسّطي الأشياء اللي حوله
ألعاب أقل، خيارات أقل، وأغراض واضحة. مو لازم تكون كل الألعاب والأنشطة قدامه بنفس الوقت. لما نقلّل الأشياء اللي يحتاج يرتّبها ويديرها، يصير أسهل عليه يحافظ على الترتيب ويختار وش يبي يلعب فيه.

✨ ٤. اربطي المهام بروتين يومي
بدل ما تكون الطلبات طول اليوم وبشكل عشوائي، خلّي بعض المهام مرتبطة بأشياء يسويها كل يوم. مثلًا، نرجّع الألعاب بعد اللعب، نحط الملابس بمكانها بعد ما نغيّر، أو نجهّز أغراض المدرسة من الليل. ومع الوقت، الر�

نوبات الغضب لها علم، و ما دايماً بتدل انو طفلك عصبي !مرات تعديلات بسيطة بتخلي يحس بسلطة و مكافأة و تريحك اكتر ما تتخيلي ...
14/10/2026

نوبات الغضب لها علم، و ما دايماً بتدل انو طفلك عصبي !
مرات تعديلات بسيطة بتخلي يحس بسلطة و مكافأة و تريحك اكتر ما تتخيلي 💫
لو حاسة حالك جاهزة تبدأي نحلل بيتك سوا، تواصلي معي اليوم 🤍

#طفل عصبي، نوبات غضب، بيت هادئ، غرف العاب، نمو الطفل، العاب،

12/10/2026

بدنا ولادنا يكبروا واثقين من حالهم، مسؤولين، ويعرفوا يعتمدوا على نفسهم…
بس هالأشياء ما بتبلّش لما يكبروا.
بتبلّش من الفرص الصغيرة اللي منتركها إلهم كل يوم. 🤍
يختاروا.
يجرّبوا.
يرتّبوا.
يساعدوا.
يجهّزوا أغراضهم.
ويحاولوا يحلّوا قبل ما نتدخّل بسرعة.

لما نعطيهم مسؤوليات صغيرة تناسب عمرهم، هني عم يبنوا ثقتهم واستقلاليتهم… وهون البيت إلو دور كمان.
كل ما كان مجهّز بطريقة تسهّل عليهم يعملوا أكتر لحالهم، كل ما صار الروتين أريح لإلن… وإلك.
استقلاليتهم اليوم، مش بس بتفيدهم هني — بتريحك إنتِ كمان على المدى البعيد. 🤍

تربية واعية، بيت هادئ، طفل مسؤول، نمو الطفل

11/10/2026

مش لازم تكوني إنتِ مصدر التسلية طول الوقت. 🤍

أوقات كل اللي بيحتاجه ولدك إنك تكوني قريبة… مش إنك تلعبي معه بكل لحظة.

اعملي إلك زاوية مريحة بنفس مساحة لعبه — كرسي، قهوة، كتاب، laptop — وخليه يلعب حدّك.

هو بيبلش الفكرة، بيتحرّك، بيجرّب، بيغيّر اللعبة بطريقته… وإنتِ موجودة، بتراقبيه وبتتفاعلي لما هو يجي لعندك.

هيك اللعب ما بيكون دايمًا “مجهّز” من قبلك، وبيصير في مساحة أكتر للخيال، الاستكشاف والـindependent play.

ومع الوقت، بدل ما يكون بانتظار حدا يقوله شو يعمل، بيتعوّد يبلّش اللعب من حاله ويشاركك فيه لما يحب.

مساحة إله… ومطرح إلك جوّاتها كمان. 🤍

لعب حر، تربية واعية، نمو الطفل، toddlers, بيت واعي، بيئة داعمة

10/10/2026

تعليقة بسيطة عالمدخل عملت فرق كبير معنا.

حتى بنتي اللي عمرها سنة، أول ما نوصل عالبيت بتقعد عند الباب لتشيل صباطها.
مش لأنو حدا عم يذكّرها كل مرة… بس لأنو صار في system واضح بتعرف شو بيصير أول ما نفوت.

وهيدا الشي بيعطي الاطفال وضوح وروتين — وبيسهّل عليهم يعرفوا شو المطلوب منهم من دون ما نضل نعيد نفس التعليمات.

حتى الطلعة من البيت بتصير أسهل، والرجعة كمان…
لأنو أول وآخر خطوة بالبيت صاروا واضحين.

و هالوضوح كيف بيريحك انت كأم ؟
لما كل شي يكون إلو مكان، ولما ما نضطر نضل نذكّر ونفتّش ونلمّ ورا الكل، بيصير في راحة نفسية أكتر وإحساس إنو البيت عم يساعدنا، مش عم يزيد علينا الضغط.

وهيدا من أبسط أمثلة الـbehavioral design:
بدل ما نعتمد بس على التذكير، منجهّز البيئة بطريقة بتخلّي السلوك اللي بدنا ياه أسهل.

مرات الحل مش نطلب منهم أكتر… مرات البيت هو اللي بحاجة يساعدهم أكتر. 🤍

وإذا في زاوية ببيتكم عم تعمل نفس الفوضى كل يوم، فينا نساعدك نشوفها بطريقة مختلفة.

Montessori, تربية واعية ، بيت هادئ ، نمو الطفل

06/10/2026

اذا تنمي لطفلك الدماغ الابداعي، الart corner هي الاهم !
اضافة لطاولة و كرسي مناسبة لعمرهم، الpegboard l بيخلي أدواتهم واضحة، مرتّبة، وأسهل يوصلوا إلها.
ومش ضروري يضل نفسه طول الوقت.
فيكي تغيّريه حسب عمرهم واهتماماتهم:
رسم، crafts، beads، projects، LEGO، أو حتى display لشغلهم.
الفكرة إنو الـcreative corner ما يكون مخبّى…
يكون عم يدعيهم يستخدموه.

رسم، ابداعي، art corner, كرافت، غرف العاب، غرف اطفال، تصميم داخلي

04/10/2026

أنا ما بدي بيت perfect.
وبعرف إنو وجود ولاد يعني حركة، أغراض، لعب وفوضى أوقات.
بس كمان ما بعتقد إنو لازم نتقبّل إنو البيت دايمًا عم يضغط علينا أو إننا نضل نعيد نفس التعليمات طول اليوم.
إذا كل يوم عم نقول:
رتّب أغراضك.
سكّر الشاشة.
روح اقرأ.
اعمل homework.
حط الشنطة محلها…
يمكن فينا نسأل سؤال تاني:
هل البيت نفسه عم يسهّل هالأشياء؟
هون بيجي دور الـbehavioral design.
يعني نفكّر بالبيئة حوالي العيلة ونرتّبها بطريقة بتخلّي السلوك اللي بدنا نشوفه أسهل:
الكتب تكون ظاهرة،
الأغراض يكون إلها مطرح واضح،
النشاطات تكون بمتناولهم،
والمساحات تناسب عمرهم وروتينهم الحقيقي.
مش لأنو البيت رح يربّي مكاننا.
بس لأنو التصميم الصح ممكن يخفّف كتير من الاحتكاك اليومي.

وإذا هيدا هدفك إنتِ كمان، ابعتيلنا عن المساحة اللي مش عم تشتغل معكم، ومنبلّش نحلّلها سوا.

تربية واعية، تصميم هادف، مونتسوري، مراهقة، غرف اطفال، نمو الطفل ، غرف العاب، لعب حر

03/10/2026

أوقات بنهاية اليوم، بعد ما يناموا الولاد، منبلّش نسأل حالنا:
ليش البيت عم يزعجك دايما ؟ ولادك دايما" على اجهزتهم..
ليش عم نعيد نفس التعليمات كل يوم؟
وليش المساحة مش عم تساعدهم يلعبوا، يقروا، يشتغلوا أو ينشغلوا بشي مفيد؟
وهون بتبلّش الـLi’l Basics consultation.
منشوف سوا البيت مثل ما هو فعلًا — عمر ولادك، روتينهم، اهتماماتهم، أماكن الفوضى، وشو مش عم يشتغل.
ومنساعدك تعرفي شو ممكن نعيد ترتيبه، نخفّفه، نضيفله storage، أو نخلقله زاوية أنسب للمرحلة اللي هني فيها هلّق.
مش الهدف إنك تغيّري كل شي.
الهدف إنو البيت يصير يشتغل أحسن معكم. 🤍
إذا حاسّة إنو في مساحة ببيتكم ما عادت مناسبة و صرتي جاهزة تغيري، اكتبيلي بالكومننتس وخلّينا نبلّش من هون.

شاشات، لعب حر، تربية بوعي، تصميم داخلي، مونتسوري، العاب، غرف اطفال

Address

Khobar

Telephone

+966583943210

Website

Alerts

Be the first to know and let us send you an email when Li'l Basics posts news and promotions. Your email address will not be used for any other purpose, and you can unsubscribe at any time.

Shortcuts

Share