https://www.facebook.com/383609604833236/

ER Places & Recipes

Home
Kosovo
Pristina
ER Places & Recipes

Welcome to ER Places & Recipes!🌿
I'm here to share my recipes in 🇦🇱🇲🇰🇺🇸, favorite restaurants and cozy coffee shops.

Follow for mouth-watering restaurant reviews, delightful coffee shop finds, and step-by-step recipes. 💕

01/11/2026

BURGERË TË MBYLLUR ME MISH P**E DHE KAÇKAVALL 🧀🤤

Për mbushjen:
• 500 g fileto p**e
• 2 qepë
• 3 speca të gjelbër dhe 3 të kuq
• 150 g kaçkavall
• 1 lugë gjelle ajkë (pavllak)
• Gjalpë, vaj ulliri, kripë, piper i zi, piper i kuq, vegetë dhe erëza për pulë

Për brumin:
• 250 ml qumësht i vakët
• 1 e bardhë veze
• 1 pako maja e thatë
• 1 lugë e vogël sheqer
• 450–500 g miell
• 1 lugë gjelle ajkë
• 1 lugë e mesme kripë
• 1 lugë gjelle vaj ulliri

• 1 e verdhë veze dhe susam për sipër.

Përgatitja:
Presim pulën në copa të vogla, qepët në fije dhe specat në copa të vogla. I fërgojmë me gjalpë dhe vaj ulliri, shtojmë erëzat, pastaj qepët dhe specat. Në fund shtojmë ajkën dhe kaçkavallin. E lëmë mbushjen të ftohet.

Për brumin përziejmë qumështin, majanë dhe sheqerin. Shtojmë të bardhën e vezës, vajin, miellin, kripën dhe ajkën. E ngjeshim dhe e lëmë të pushojë 1 orë derisa brumi të dyfishohet.

Brumin e ndajmë në 8 kuleçë, i hapim në pete, në një pjatë si në video vendosim petën, e mbushim me mbushjen dhe kaçkavall dhe e mbyllim mirë. E kthejmë në anën tjetër dhe i rendisim të gjitha në tepsi me letër për pjekje.

I lyejmë me të verdhë veze, i spërkasim me susam dhe i pjekim në furrë të parangrohur në 200°C për 20–30 minuta, derisa të marrin ngjyrë të artë.

Provojeni këtë recetë, sepse dalin tepër, tepër të shijshëm! ❤️🍔

20/10/2026

☕✨ Beautiful Cafés & Restaurants in Skopje You Must Visit! 🍽️🤍

Looking for cozy coffee spots, aesthetic cafés, delicious food, and beautiful restaurants in Skopje? 📍✨

Here are some lovely places worth visiting, whether you’re looking for the perfect morning coffee, a relaxing brunch, a delicious dinner, or simply a beautiful place to spend time with friends. 🥐☕🍝

Save this post for your next coffee date, weekend outing, or dinner plan, and discover some of the beautiful spots Skopje has to offer! 🤎

📍 Which place would you visit first? Let us know in the comments! 👇

11/10/2026

🍫 Tortë me çokollatë, mollë dhe banane

Një tortë e butë, e shijshme dhe plot aromë, me mollë, banane, kanellë dhe një shtresë të mrekullueshme çokollate sipër. 😍

📝 Përbërësit për tortën:

* 2 vezë
* 200 g sheqer
* 250 ml qumësht
* 330 g miell
* 100 ml vaj
* 1 pako pluhur për pjekje
* 1 lugë e mesme kanellë (ose sipas dëshirës)
* 1 lugë gjelle krem çokollate
* 1 mollë, e prerë në kubikë të vegjël
* 1 banane, e shtypur në formë pureje

🍫 Për kremin me çokollatë:

* 1 gotë krem për ëmbëlsira
* 100 g çokollatë për gatim

Përgatitja:

1. Përgatitja e brumit

Në një enë, rrahim vezët me sheqerin derisa të përzihen mirë. Shtojmë qumështin dhe vajin, duke i përzier vazhdimisht.

Më pas, shtojmë miellin dhe pluhurin për pjekje. Në fund, shtojmë mollën e prerë në kubikë të vegjël, bananen e shtypur, kanellën dhe kremin e çokollatës. I përziejmë të gjithë përbërësit derisa të krijohet një masë homogjene.

2. Pjekja e tortës

E hedhim masën në një tepsi të lyer paraprakisht me vaj.

E pjekim në furrë të parangrohur në 170°C për rreth 40 minuta. Pasi të piqet, e nxjerrim nga furra dhe e lëmë të ftohet për rreth 30 minuta.

3. Përgatitja e kremit me çokollatë

Në një tenxhere, hedhim kremin për ëmbëlsira dhe çokollatën e copëtuar. I ngrohim në zjarr të ulët, duke i përzier vazhdimisht, derisa çokollata të shkrihet plotësisht dhe të krijohet një krem i lëmuar.

E largojmë nga zjarri dhe e lëmë të pushojë për rreth 5 minuta.

4. Dekorimi dhe ftohja

E hedhim kremin e çokollatës mbi tortën e ftohur pak dhe e shpërndajmë në mënyrë të njëtrajtshme.

E vendosim tortën në frigorifer për rreth 2 orë dhe torta është gati për t’u shërbyer!

Një ëmbëlsirë fantastike, e butë nga brenda dhe me një shtresë kremoze çokollate sipër. Provojeni dhe shijojeni me familjen tuaj! 😍🍫

09/10/2026

Malsa Restaurant

Malsa, Shkup-Skopje📍

Ejani të hamë një drekë të shijshme tek Restaurant Malsa, i cili gjendet në Radishan, rrugës për Luboten. 🤍

Është një nga restorantet e mia të preferuara, sepse përveç ushqimit shumë të shijshëm, ky restorant ofron një hapësirë tejet të madhe dhe një ambient shumë të këndshëm e të qetë. Ajri është i pastër dhe hapësira jashtë është perfekte për të kaluar disa orë të bukura me familjen apo shoqërinë.

Fillova me speca me kajmak dhe brusketa të freskëta. Si pjatë kryesore provova salmonin, i cili ishte i përgatitur në mënyrë perfekte. Provova edhe biftekun, i cili gjithashtu ishte shumë mire i pergaditur dhe kombinohej shumë bukur me perimet. Në tavolinë nuk mungonin as kërpudhat e fërguara, sallata e përzier dhe djathi, i cili ishte tepër i shijshëm.

Çdo pjatë ishte e prezantuar bukur, por mbi të gjitha, çdo gjë që provova ishte vërtet shumë e shijshme. 🤍

Një tjetër detaj që më pëlqeu është se restoranti është shumë i përshtatshëm edhe për familjet me fëmijë, pasi ka një kënd të madh e të bukur me lojëra, ku të vegjlit mund të argëtohen derisa prindërit shijojnë ushqimin.

Gjithashtu, hapësira e madhe, si brenda ashtu edhe jashtë, e bën Malsën një zgjedhje të mirë edhe për ditëlindje, festa familjare dhe evente të ndryshme.

Dhe sigurisht, një drekë e mirë nuk mund të përfundonte pa kafe dhe një akullore të servirur në formën e tortës. 🤍

Nëse nuk keni qenë ende në kete restorant, mendoj se ka ardhur koha ta provoni. 🤍 Ruajeni këtë rekomandim për herën tjetër kur të doni një drekë të mirë, ambient të bukur dhe disa orë larg zhurmës së qytetit. ✨

12/09/2026

ROLE TË BUTA ME KUNGULL DHE GJIZË 🍂😋

Të buta, të shijshme dhe me një mbushje kremoze me gjizë e gjalpë. 🤍

Përbërësit

Pure kungulli:
• 300 g kungull
• Pak vaj

Brumi:
• 200 ml qumësht i vakët
• 1 pako maja e thatë
• 1 lugë e mesme sheqer
• 1 vezë
• 350 g pure kungulli
• 800 g–1 kg miell (filloni me 800 gr dhe shtoni gradualisht nëse keni nevojë)
• 1 lugë e mesme kripë

Mbushja:
• 120 g gjalpë në temperaturë dhome
• 500 g gjizë
• Kripë sipas shijes

Sipër:
• 1 vezë
• Susam

Përgatitja

Kungullin e presim në kubikë, e përziejmë me pak vaj dhe e pjekim në 250°C për rreth 30 minuta. E shtypim në pure dhe e lëmë të ftohet plotësisht.

Në një enë përziejmë qumështin e vakët, majanë dhe sheqerin. I lëmë 5 minuta, më pas shtojmë vezën, purenë e kungullit, miellin dhe kripën. E punojmë derisa të përftojmë një brumë të butë dhe elastik. E mbulojmë dhe e lëmë rreth 1 orë, derisa të dyfishohet.

Për mbushjen, përziejmë gjalpin në temperaturë dhome me gjizën dhe pak kripë.

Brumin e ndajmë në 3 pjesë. Secilën e hapim në formë drejtkëndëshe, e lyejmë me mbushje dhe e mbështjellim në formë roleje. I vendosim në tepsi me letër pjekjeje dhe sipër bëjmë prerje diagonale në formë zig-zag, pa i prerë plotësisht.

I mbulojmë dhe i lëmë edhe 30 minuta. Më pas i lyejmë me vezë të rrahur dhe i spërkasim me susam.

I pjekim në furrë të parangrohur në 200°C për 20–25 minuta, derisa të marrin një ngjyrë të bukur të artë. 🤍
Nëse e provoni këtë recetë, ju bëftë mirë🥰

06/09/2026

Ad Meliora, Jezerc-Ferizaj, Kosova📍
admeliora.restaurant

Në Jezerc – Ferizaj, në mes të natyrës dhe larg zhurmës së qytetit, ndodhet Ad Meliora. 🌿

Një restaurant që të bie në sy që në momentin e parë, jo vetëm për ambientin modern dhe të kuruar, por edhe për pamjet e bukura që e rrethojnë. Këtu natyra bëhet pjesë e gjithë eksperiencës — gjelbërimi, ajri i pastër dhe qetësia të japin ndjesinë sikur je larg përditshmërisë.

Është nga ato vende ku nuk ke dëshirë të hash shpejt e të largohesh, por të ulesh, të shijosh ushqimin, të bisedosh dhe thjesht të qëndrosh pak më gjatë. 🤍

Ad Meliora sjell një kombinim shumë të bukur të natyrës, arkitekturës moderne, atmosferës së qetë dhe një eksperience gastronomike që ia vlen të përjetohet.

Një arratisje e vogël nga zhurma, në një nga ato vende që të kujtojnë sa bukur është të ngadalësosh pak. ✨

🇽🇰

31/08/2026

🧂 TORTË E KRIPUR ME KREKERA – PA PJEKJE

Një recetë shumë e thjeshtë, e shijshme dhe perfekte për një meze, festë apo tavolinë familjare. 🤍 Përgatitet pa pjekje dhe vetëm me disa përbërës!

🛒 Përbërësit:

* 200 g krekera (biskota të kripura)
* 150 g sallam p**e, i grirë në rende
* 4 tranguj turshi, të grirë në rende
* 400 g ajkë
* 100 g majonezë
* 2 lugë gjelle krem djathi
* Kripë, sipas shijes
* Piper i zi
* Majdanoz i thatë

Për përgatitjen:

* 2 lugë gjelle ajkë për lyerjen e kallëpit
* 3 lugë gjelle ajkë për shtresën e fundit
* Kaçkavall i grirë për sipër

👩🏻‍🍳 Përgatitja:

Në një enë vendosim ajkën, majonezën, kremin e djathit, sallamin e pulës dhe trangujt turshi. Shtojmë kripën, piperin e zi dhe majdanozin e grirë.

I përziejmë të gjithë përbërësit mirë, derisa të bashkohen dhe të krijohet një masë homogjene.

Marrim kallëpin ose tepsinë ku do ta përgatisim tortën dhe e lyejmë me 2 lugë gjelle ajkë.

Më pas fillojmë të krijojmë shtresat:

🥨 Shtrojmë një rend krekera.
🥄 Shtojmë një pjesë të masës së përgatitur.
🥨 Përsëri një rend krekera.
🥄 Përsëri një pjesë të masës.
🥨 Një rend tjetër krekera.
🥄 Shtojmë masën e mbetur.
🥨 Në fund vendosim edhe një rend krekera.

Shtresën e fundit të krekërave e lyejmë me 3 lugë gjelle ajkë dhe sipër shtojmë kaçkavall të grirë. 🧀

💡 Unë e përgatita tortën në një kallëp katror me pjesën e brendshme të zbrazët, të vendosur mbi një tepsi, por mund ta përgatisni edhe në një kallëp ose tepsi tjetër sipas dëshirës.

E vendosim në frigorifer për 2 orë që të ftohet mirë dhe të marrë formë.

Pas 2 orësh është gati për t’u servirur! 🤍

E shpejtë, pa pjekje dhe super e shijshme. ✨

29/08/2026

🍌 Banana Bread – receta autentike amerikane që del tepër e butë dhe e shijshme

🥣 Përbërësit

* 3 banane shumë të pjekura, të shtypura 🍌
* 2 vezë
* 60 g gjalpë i shkrirë
* 100 g sheqer kaf
* 1 lugë çaji ekstrakt vaniljeje
* 180 g miell i bardhë
* 1 lugë çaji sodë buke
* 1 lugë çaji kanellë (opsionale)
* ½ lugë çaji kripë
* 80 g arra të copëtuara ose copa çokollate (opsionale) 🍫
* 1 banane shtesë për sipër 🍌

👩🏻‍🍳 Përgatitja

1. Ngroheni furrën në 175°C dhe shtroni një tavë për kek me letër pjekjeje.
2. Shtypni 3 bananet shumë të pjekura në një enë të madhe.
3. Shtoni gjalpin e shkrirë, sheqerin kaf, vezët dhe vaniljen. Përziejini derisa masa të bashkohet mirë.
4. Në një enë tjetër përzieni miellin, sodën e bukës, kanellën dhe kripën.
5. Shtoni gradualisht përbërësit e thatë tek masa e bananeve dhe përziejini butësisht, vetëm derisa të kombinohen. Mos e përzieni tepër.
6. Shtoni arrat ose copat e çokollatës, nëse dëshironi.
7. Hidheni masën në tavën e përgatitur dhe rrafshoni sipërfaqen.
8. Merrni bananen shtesë, ndajeni për së gjati në dy pjesë dhe vendosini butësisht sipër masës, me pjesën e prerë nga lart. 🍌
9. Piqeni në 175°C për 50–60 minuta, ose derisa një kruajtëse dhëmbësh e futur në qendër të dalë pothuajse e pastër.

Dhe nëse doni ta bëni edhe më shijshëm … shërbejeni të ngrohtë me një top akullore vaniljeje sipër. 🍨🍌

21/08/2026

Mëngjesi me familjen është gjithmonë më i mirë. 🤍

Mëngjeset kanë një tjetër kuptim kur përgatiten me dashuri dhe ndahen me familjen. 🤍 Një tavolinë e mbushur me të mira, zemra të mbushura me mirënjohje dhe njerëzit tanë pranë… çfarë më shumë mund të kërkojmë? ☕️🥐

18/08/2026

🍗 Chicken Tenders krokante – të buta brenda, krokante jashtë

Përbërësit:

* 1 kg fileto p**e
* 2 vezë
* 1 gotë qumësht
* ½ gotë ujë i gazuar
* 2½ gota miell (për masën)
* 1 lugë e mesme Vegeta
* 1 lugë e mesme piper i kuq
* Piper i zi, sipas shijes
* 1 lugë e mesme erëza për pulë
* Pak pluhur hudhre
* 1 lugë e vogël sodë buke
* Pak kripë

* Miell dhe pak kripë (për lyerje)
* Vaj për skuqje

Përgatitja:

1. Priteni fileton e pulës në shirita, në madhësinë që dëshironi.
2. Në një enë të thellë rrihni vezët dhe shtoni qumështin, ujin e gazuar, miellin, Vegetën dhe të gjitha erëzat. Përziejini mirë derisa të krijohet një masë e trashë dhe homogjene.
3. Shtoni copat e pulës në këtë masë dhe përziejini mirë që të mbulohen të gjitha. Mbulojini me folie kuzhine dhe vendosini në frigorifer për të paktën 1 orë.
4. Në një enë tjetër vendosni miell dhe përziejeni me pak kripë.
5. Nxirrni copat e pulës nga masa dhe kalojini mirë në miell, duke i mbuluar nga të gjitha anët.
6. Skuqini në vaj të nxehtë, në temperaturë mesatare, nga të dyja anët derisa të marrin një ngjyrë të artë dhe të bëhen krokante.
7. Vendosini mbi letër kuzhine për të larguar vajin e tepërt.

✨ Shërbejini të ngrohta me salcën tuaj të preferuar. Krokante jashtë, të buta dhe plot shije brenda! 🍗🤍

**e

Address

Pristina

Website

facebook.com

Alerts

Be the first to know and let us send you an email when ER Places & Recipes posts news and promotions. Your email address will not be used for any other purpose, and you can unsubscribe at any time.