26/10/2026
Бид интерьер дизайн бүрдээ урлагийн бүтээлийг шингээж, орон зайг илүү амьд, утга учиртай, өөрийн гэсэн өнгө төрхтэй болгохыг зорьдог. Зарим бүтээлийг тухайн төсөлдөө зориулан өөрсдөө урлаж, заримыг нь дэлхийн алдартай бүтээлүүдээс сонгон интерьерийн шийдэлтэйгээ уялдуулан байрлуулдаг. Энэ бол бидний “SaySanaa ARTIFY” бүтээлч үзэл баримтлал юм.
Энэхүү бүтээлч үзэл баримтлал нь манай оффисын гол хананд байрлах өвөрмөц инсталляцаас тод харагдана. Буддагийн болон дэлхийн урлагийн алдарт бүтээлүүдийн нэг болох Давидын баримлын толгой хэсгийг хар өнгөөр хувирган, гурван хэсэгт хувааж, завсраар нь алтан шаргал өнгө урсах мэт дүрсэлсэн нь сонгодог урлагийг орчин үеийн хэлбэрээр дахин тайлбарласан бүтээл юм. Буддагийн дүрслэл нь амар амгалан, дотоод төвлөрлийг бэлгэдэж, дизайнерууддаа тайван орчинд сэтгэж, бүтээхийг сануулдаг бол Давидын дүрслэл нь урлагийн үнэ цэнэ, гоо зүйг илэрхийлж, интерьер дизайн бол урлагийн нэгэн хэлбэр гэдгийг өдөр бүр бидэнд сануулна. Харин компанийнхаа 10 жилийн ойд зориулан бүтээлгэсэн “СаяСанаа — Ухамсар” нь оффисын орчны өвөрмөц өнгө төрхийг улам баяжуулдаг.
Оффисын үндсэн танхимын голд байрлах том, өндөр ширээ бол манай хамт олны бүтээлч ажиллагааны чухал хэсэг юм. Бид энд дизайны санаагаа чөлөөтэй солилцож, brainstorm хийх, том хэмжээний зураг, план дээр хамтран ажиллахын зэрэгцээ компанийн дотоод уулзалт, social gathering-аа зохион байгуулдаг. Энэ нь зөвхөн ажлын ширээнээс илүүтэй шинэ санаа төрж, хамтын бүтээл өрнөж, хамт олны уур амьсгал бүрэлддэг төв цэг юм.
Мөн бид уламжлалт уулзалтын өрөөг илүү тухтай, лоунж хэв маягаар тохижуулснаар албан ёсны уулзалтаас гадна чөлөөт ярилцлага өрнүүлэх, шинэ санаа хуваалцах, харилцагчидтайгаа илүү дотно уур амьсгалд хамтран ажиллах боломжийг бүрдүүлдэг.
Бидний хувьд оффис бол компанийн үнэт зүйл, хамт олны онцлог, дизайны философийг илэрхийлэх орон зай юм. Урлаг, бүтээлч ажиллагаа, харилцаа, тав тухыг нэгтгэсэн энэхүү орчин нь SaySanaa ARTIFY бүтээлч үзэл баримтлалыг өдөр тутмын амьдралдаа хэрэгжүүлж буй бидний бодит тусгал билээ.
